മാർ ആനിക്കുഴിക്കാട്ടിൽ നിത്യതയിൽ ലയിച്ചു

മാ​ർ മാ​ത്യു ആ​നി​ക്കു​ഴി​ക്കാ​ട്ടി​ൽ ദീ​പ്തസ്മ​ര​ണ​യാ​യി. ഹൈ​റേ​ഞ്ചി​ന്‍റെ ആ​ത്മീ​യവ​ള​ർ​ച്ച​യ്ക്കും സ​മൂ​ഹ​ത്തി​ന്‍റെ സു​സ്ഥി​ര​ വി​ക​സ​ന​ത്തി​നു​മാ​യി ക​ഠി​നാ​ധ്വാ​നം ചെ​യ്ത ഇ​ടു​ക്കി രൂ​പ​ത പ്ര​ഥ​മ മെ​ത്രാ​ൻ മാ​ർ മാ​ത്യു ആ​നി​ക്കു​ഴി​ക്കാ​ട്ടി​ലി​ന്‍റെ ഭൗ​തി​ക​ശ​രീ​രം പ​തി​നാ​യി​ര​ങ്ങ​ളു​ടെ സ്മ​ര​ണാ​ഞ്ജ​ലി​ക​ളോ​ടെ വാ​ഴ​ത്തോ​പ്പ് സെ​ന്‍റ് ജോ​ർ​ജ് ക​ത്തീ​ഡ്ര​ൽ ദേ​വാ​ല​യ​ത്തി​ൽ വി​ശു​ദ്ധ​രു​ടെ തി​രു​ശേ​ഷി​പ്പു​ക​ൾ സൂ​ക്ഷി​ച്ചി​രി​ക്കു​ന്ന സ്ഥ​ല​ത്തോ ടു​ചേ​ർ​ന്നു ത​യാ​റാ​ക്കി​യ ക​ല്ല​റ​യി​ൽ ക​ബ​റ​ട​ക്കി.

ഇ​ടു​ക്കി ക​ത്തീ​ഡ്ര​ലി​ൽ ഇ​ന്ന​ലെ ഉ​ച്ച​ക​ഴി​ഞ്ഞ് 2.30-ന് ​ഇ​ടു​ക്കി രൂ​പ​ത മെ​ത്രാ​ൻ മാ​ർ ജോ​ണ്‍ നെ​ല്ലി​ക്കു​ന്നേ​ലി​ന്‍റെ ആ​മു​ഖസ​ന്ദേ​ശ​ത്തോ​ടെ​യാ​ണ് സം​സ്കാ​ര ശു​ശ്രൂ​ഷ​ക​ൾ ആ​രം​ഭി​ച്ച​ത്. ഫ്രാ​ൻ​സി​സ് മാ​ർ​പാ​പ്പ​യു​ടെ അ​നു​ശോ​ച​നസ​ന്ദേ​ശം ഇ​ടു​ക്കി രൂ​പ​ത വി​കാ​രി ജ​ന​റാ​ൾ മോ​ണ്‍. ജോ​സ് പ്ലാ​ച്ചി​ക്ക​ൽ വാ​യി​ച്ചു. പൗ​ര​സ്ത്യ തി​രു​സം​ഘ​ം അ​ധ്യ​ക്ഷ​ൻ ക​ർ​ദി​നാ​ൾ ലെ​യ​നാ​ർ​ദോ സാ​ന്ദ്രി​യു​ടെ അ​നു​ശോ​ച​നസ​ന്ദേ​ശം വി​കാ​രി ജ​ന​റാ​ൾ മോ​ണ്‍. ഏ​ബ്ര​ഹാം പു​റ​യാ​റ്റും ഇ​ന്ത്യ​യി​ലെ വ​ത്തി​ക്കാ​ൻ സ്ഥാ​ന​പ​തി ആ​ർ​ച്ച്ബി​ഷ​പ് ജം​ബ​ത്തീ​സ്ത ദി​ക്വാ​ത്രോ​യു​ടെ അ​നു​ശോ​ച​നസ​ന്ദേ​ശം കെ​സി​ബി​സി വി​ദ്യാ​ഭ്യാ​സ സെ​ക്ര​ട്ട​റി ഫാ. ​ജോ​സ് ക​രി​വേ​ലി​ക്ക​ലും വാ​യി​ച്ചു.

സീ​റോ​ മ​ല​ബാ​ർ സ​ഭാ മേ​ജ​ർ ആ​ർ​ച്ച്ബി​ഷ​പ് ക​ർ​ദി​നാ​ൾ മാ​ർ ജോ​ർ​ജ് ആ​ല​ഞ്ചേ​രി​യു​ടെ മു​ഖ്യ​കാ​ർ​മി​ക​ത്വ​ത്തി​ൽ ആ​രം​ഭി​ച്ച സം​സ്കാ​ര ശു​ശ്രൂ​ഷ​ക​ളി​ൽ കാ​ഞ്ഞി​ര​പ്പ​ള്ളി രൂ​പ​ത മു​ൻ അ​ധ്യ​ക്ഷ​ൻ മാ​ർ മാ​ത്യു അ​റ​യ്ക്ക​ൽ വ​ച​ന​സ​ന്ദേ​ശം ന​ല്കി. കോ​ത​മം​ഗ​ലം രൂ​പ​താ​ധ്യ​ക്ഷ​ൻ മാ​ർ ജോ​ർ​ജ് മ​ഠ​ത്തി​ക്ക​ണ്ട​ത്തി​ൽ, പാ​ലാ രൂ​പ​താ​ധ്യ​ക്ഷ​ൻ മാ​ർ ജോ​സ​ഫ് ക​ല്ല​റ​ങ്ങാ​ട്ട്, മാ​ർ ജോ​ണ്‍ നെ​ല്ലി​ക്കു​ന്നേ​ൽ, മാ​ർ മാ​ത്യു ആ​നി​ക്കു​ഴി​ക്കാ​ട്ടി​ലി​ന്‍റെ സ​ഹോ​ദ​ര​ൻ ഫാ. ​തോ​മ​സ് ആ​നി​ക്കു​ഴി​ക്കാ​ട്ടി​ൽ, സ​ഹോ​ദ​രീ​പു​ത്ര​ൻ ഫാ. ​ബോ​ബി വെ​ങ്ങാ​ലൂ​ർ എ​ന്നി​വ​ർ സ​ഹ​കാ​ർ​മി​ക​രാ​യി​രു​ന്നു.

സം​സ്കാ​ര​ശു​ശ്രൂ​ഷ​ക​ളു​ടെ ഒ​ന്നാം​ഘ​ട്ടം മാർ ആ​നി​ക്കു​ഴി​ക്കാ​ട്ടി​ലിന്‍റെ കു​ഞ്ചി​ത്ത​ണ്ണി​യി​ലെ വ​സ​തി​യി​ൽ ഇ​ടു​ക്കി രൂ​പ​താ​ധ്യ​ക്ഷ​ൻ മാ​ർ ജോ​ണ്‍ നെ​ല്ലി​ക്കു​ന്നേ​ലി​ന്‍റെ കാ​ർ​മി​ക​ത്വ​ത്തി​ൽ ന​ട​ന്നി​രു​ന്നു. ര​ണ്ടാം​ഘ​ട്ട ശു​ശ്രൂ​ഷ ഇ​ന്ന​ലെ ഉ​ച്ച​യ്ക്ക് 12ന് ​കോ​ട്ട​യം അ​തി​രൂ​പ​ത മെ​ത്രാ​പ്പോ​ലീ​ത്ത മാ​ർ മാ​ത്യു മൂ​ല​ക്കാ​ട്ട് നി​ർ​വ​ഹി​ച്ചു.