കൊറോണ വൈറസിനെതിരായ വാക്സിൻ വികസിപ്പിക്കുന്നതിന് അന്താരാഷ്ട്രതലത്തിൽ ശാസ്ത്ര സഹകരണത്തിന് ആഹ്വാനംചെയ്ത് ഫ്രാൻസിസ് മാർപാപ്പ. വാക്സിൻ വികസിപ്പിക്കാനായാൽ അതു ലോകത്തിൽ എല്ലായിടത്തും ലഭ്യമാക്കണമെന്നും അദ്ദേഹം നിർദേശിച്ചു.
ഞായറാഴ്ച വത്തിക്കാനിലെ അപ്പസ്തോലിക കൊട്ടാരത്തിലെ ലൈബ്രറിയിൽനിന്നു സന്ദേശം നല്കുകയായിരുന്നു മാർപാപ്പ. വാക്സിൻ കണ്ടുപിടിക്കാൻ ശാസ്ത്രീയമായ നേട്ടങ്ങളും കഴിവുകളും അന്താരാഷ്ട്രതലത്തിൽ ഒന്നിക്കേണ്ടതിന്റെ പ്രാധാന്യം അദ്ദേഹം എടുത്തുപറഞ്ഞു.
ലോക്ക്ഡൗൺ കാലത്ത് അവശ്യ സേവനങ്ങൾ നല്കുന്നവർക്കു മാർപാപ്പ നന്ദി പറഞ്ഞു. മഹാവ്യാധിയെ നേരിടാനുള്ള കരുത്തിനായി മേയ് 14ന് പ്രാർഥനാദിനമായി ആചരിക്കാൻ എല്ലാ മതവിശ്വാസികളെയും അദ്ദേഹം സ്വാഗതം ചെയ്തു.
വാക്സിൻ വികസിപ്പിക്കാൻ അന്താരാഷ്ട്രതലത്തിൽ സഹകരിക്കണം: മാർപാപ്പ
03:52 PM May 04, 2020 | Deepika.com