യുഎഇയിൽ കോവിഡ് 19 ബാധിച്ച് ഏഴു പേർ കൂടി മരിച്ചു. പുതുതായി 564 പേർക്ക് രോഗം സ്ഥിരീകരിച്ചു. ഇതോടെ രാജ്യത്തെ കൊറോണ വൈറസ് ബാധിച്ച് മരിച്ചവരുടെ എണ്ണം 126 ആയി. രോഗബാധിതരുടെ എണ്ണം 14,163 ആയതായും ആരോഗ്യ-രോഗപ്രതിരോധ മന്ത്രാലയം അറിയിച്ചു.
രാജ്യത്ത് 99 പേർക്ക് രോഗം ഭേദമായതോടെ രോഗവിമുക്തി നേടിയവരുടെ എണ്ണം 2,763 ആയി. മരിച്ചവരിൽ ഭൂരിഭാഗം പേർക്കും മറ്റു രോഗങ്ങളും ഉണ്ടായിരുന്നു. കഴിഞ്ഞ ചില ദിവസങ്ങൾക്കിടെ 26,000ലേറെ കോവിഡ് പരിശോധനകളാണ് നടത്തിയതെന്നും മന്ത്രാലയം അറിയിച്ചു.
യുഎഇയിൽ ഏഴു കോവിഡ് മരണം കൂടി; 564 പേർക്ക് പുതുതായി രോഗം
07:29 PM May 03, 2020 | Deepika.com