തിരുവനന്തപുരം: പട്രോളിംഗ് നടത്തുകയായിരുന്ന പോലീസ് സംഘത്തിനു നേരെ കല്ലേറ്. പോലീസ് ജീപ്പിന്റെ ചില്ല് തകർന്നു.
വലിയതുറ ഇസാഫ് ഫിനാൻസിനു സമീപം ഇന്നലെ സന്ധ്യക്കായിരുന്നു സംഭവം. ബൈക്കിലെത്തിയ രണ്ടു യുവാക്കളാണ് ഓടിക്കൊണ്ടിരുന്ന ജീപ്പിനു നേരെ കല്ലേറ് നടത്തിയതെന്നു പോലീസ് പറഞ്ഞു.
വലിയതുറ പോലീസ് സ്റ്റേഷനിലെ എസ്ഐ.ഷാജഹാൻ ഉൾപ്പെടുന്ന പോലീസ് സംഘത്തിനു നേരെയായിരുന്നു അജ്ഞാതരുടെ ആക്രമണം. കല്ലേറ് നടത്തിയ ശേഷം അക്രമി സംഘം ബൈക്കിൽ അമിത വേഗത്തിൽ രക്ഷപ്പെട്ടു.
അക്രമികളെ പിടികൂടാൻ പോലീസ് സിസിടിവി കാമറ ദൃശ്യങ്ങൾ പരിശോധിച്ചു തുടങ്ങി. വലിയതുറ പോലീസ് കേസെടുത്ത് അന്വേഷണം ആരംഭിച്ചു.
പട്രോളിംഗ് നടത്തുകയായിരുന്ന പോലീസ് സംഘത്തെ കല്ലെറിഞ്ഞു
02:21 PM Nov 19, 2021 | Deepika.com