കൊച്ചി: പനമ്പിള്ളിനഗര് ബ്യൂട്ടിപാര്ലര് വെടിവയ്പ് കേസിലെ രണ്ടാം പ്രതി യൂസഫ് സിയയെ എറണാകുളം അഡീഷണല് ചീഫ് ജുഡീഷല് മജിസ്ട്രേറ്റ് കോടതി തീവ്രവാദ വിരുദ്ധ സേന (എടിഎസ്) യുടെ കസ്റ്റഡിയില് വിട്ടു. ഏഴു ദിവസമാണ് കസ്റ്റഡി കാലാവധി.
ബ്യൂട്ടിപാര്ലര് ഉടമയും നടിയുമായ ലീന മരിയാ പോളിനെ ഫോണില് ഭീഷണിപ്പെടുത്താനായി അധോലോക കുറ്റവാളി രവി പൂജാരിയോട് ആവശ്യപ്പെട്ടത് സിയയാണ്. ഇതുപ്രകാരം 25 കോടി രൂപ ഫോണില് വിളിച്ചു പൂജാരി ആവശ്യപ്പെടുകയായിരുന്നു.
ഭീഷണി ഫലിക്കാതായപ്പോള് സിയ വഴി പൂജാരി ബ്യൂട്ടിപാര്ലറില് വെടിവയ്പ് നടത്തി. ബ്യൂട്ടി പാര്ലറിലേക്ക് വെടിവയ്ക്കാന് ബിലാല്, വിപിന് എന്നിവരെ ആരാണ് ചുമതലപ്പെടുത്തിയതെന്ന് അന്വേഷണ സംഘം ചോദിച്ചറിയും. നെടുമ്പാശേരിയിലെ എടിഎസ് ആസ്ഥാനത്തായിരിക്കും സിയയെ ചോദ്യം ചെയ്യുന്നത്.
ബ്യൂട്ടിപാര്ലര് വെടിവയ്പ്: സിയ എടിഎസ് കസ്റ്റഡിയില്
11:00 AM Nov 16, 2021 | Deepika.com