നേമം: തലയ്ക്കടിയേറ്റു രക്തം വാർന്നു വയോധികൻ മരിച്ചു. വെള്ളായണി കാരയ്ക്കാ മണ്ഡപം സെൻറ് ആന്റണീസ് പള്ളിക്കു സമീപത്തെ സെറ്റിൽമെന്റ് കോളനിയിൽ എലിയാസ് (80) ആണ് മരിച്ചത്. സംഭവുമായി ബന്ധപ്പെട്ട് മകൻ ക്ലീറ്റസ് (52) നെ നേമം പോലീസ് കസ്റ്റഡിയിൽ എടുത്തു.
ഇന്നു പുലർച്ചെ ഒന്നോടെ കൂടിയാണ് സംഭവം. തടിക്കഷണംകൊണ്ട് തലയ്ക്ക് അടിയേറ്റു രക്തം വാർന്നു കിടന്ന എലിയാസിനെ പോലീസ് എത്തി മെഡിക്കൽ കോളജ് ആശുപത്രിയിൽ എത്തിച്ചുവെങ്കിലും മരിക്കുകയായിരുന്നു.
രാത്രിയിൽ ശബ്ദം കേട്ടു നാട്ടുകാർ വിവരം പോലീസിൽ അറിയിക്കുകയായിരുന്നു. മദ്യലഹരിയിലുണ്ടായ തർക്കത്തെത്തുടർന്നു മകന്റെ അടിയേറ്റ് അച്ഛൻ മരിക്കുകയായിരുന്നുവെന്നു പോലീസ് പറഞ്ഞു.
അച്ഛനും മകനും കഴിഞ്ഞ ഒരു വർഷമായി വാടകയ്ക്കു താമസിക്കുകയായിരുന്നു. മിക്ക ദിവസം ഇരുവരും മദ്യപിച്ചു വഴക്ക് ഉണ്ടാക്കുക പതിവായിരുന്നു. പലപ്പോഴും നാട്ടുകാർ വിവരം അറിയിച്ചു പോലിസ് എത്തുക പതിവായിരുന്നു.
തലയ്ക്കടിയേറ്റു പിതാവ് മരിച്ചു; മകൻ കസ്റ്റഡിയിൽ
01:57 PM Nov 06, 2021 | Deepika.com