ഈ രാജ്യത്ത് നടക്കുന്നതെന്ത്?

രാ​ജ്യം ത​ല​കു​നി​ക്കു​ക​യാ​ണ്... ഉ​ന്നാ​വോയിൽ ഒ​രു പെ​ൺ​കു​ട്ടി​യോ​ട് ഒ​രു ജ​ന​പ്ര​തി​നി​ധി കാ​ട്ടി​യ കൊ​ടും​ക്രൂ​ര​ത​യും തു​ട​ർ​ന്നി​ങ്ങോ​ട്ടു ന​ട​ന്ന കാ​ര്യ​ങ്ങ​ളു​മോ​ർ​ത്ത്. ഈ ​രാ​ജ്യ​ത്ത് എ​ന്താ​ണ് സം​ഭ​വി​ക്കു​ന്ന​തെ​ന്ന് ഇ​ന്ന​ലെ സു​പ്രീം കോ​ട​തി ചീ​ഫ് ജ​സ്റ്റീ​സും ചോ​ദി​ച്ചി​രി​ക്കു​ന്നു. പ​തി​നേ​ഴ് വ​യ​സി​ൽ കൂ​ട്ട മാ​ന​ഭം​ഗ​ത്തി​ന് ഇ​ര​യാ​കു​ന്നു, പെ​ണ്‍​കു​ട്ടി​യു​ടെ പി​താ​വ് പോ​ലീ​സ് ക​സ്റ്റ​ഡി​യി​ൽ മ​രി​ക്കു​ന്നു, പെ​ണ്‍​കു​ട്ടി​യും കു​ടും​ബ​വും അ​പ​ക​ട​ത്തി​ൽ​പ്പെ​ടു​ന്നു. ഈ ​രാ​ജ്യ​ത്ത് എ​ന്താ​ണ് ന​ട​ക്കു​ന്ന​തെ​ന്നാ​യി​രു​ന്നു ചീ​ഫ് ജ​സ്റ്റീ​സ് ചോ​ദി​ച്ച​ത്. വി​ഷ​യം ലോ​ക​മാ​ധ്യ​മ​ങ്ങ​ളും ഏ​റ്റെ​ടു​ത്ത​തോ​ടെ ലോ​ക​ത്തി​നു മു​ന്നി​ൽ ന​മ്മു​ടെ രാ​ജ്യം വീ​ണ്ടും ത​ല​കു​ന്പി​ട്ടു നി​ൽ​ക്കു​ക​യാ​ണ് .

ഉന്നാവോ സംഭവത്തിന്‍റെ നാൾവഴികൾ

2014 ജൂ​ണ്‍ 4. അ​ന്നാ​ണ് എ​ല്ലാ സം​ഭ​വ​ങ്ങ​ൾ​ക്കും തു​ട​ക്കം. ഒ​രു പാ​വ​പ്പെ​ട്ട പെ​ണ്‍​കു​ട്ടി​യു​ടെ ജീ​വി​തം പി​ച്ചി​ച്ചീ​ന്ത​പ്പെ​ട്ട​ത് അ​ന്നാ​ണ്. ഒ​രു കു​ടും​ബ​ത്തി​ന്‍റെ ദു​രി​ത​കാ​ലം തു​ട​ങ്ങി​യ​ത് അ​ന്നു​മു​ത​ലാ​ണ്. ജോ​ലി ന​ൽ​കാ​മെ​ന്ന് വി​ശ്വ​സി​പ്പി​ച്ചാ​ണ് ബി​ജെ​പി എം​എ​ൽ​എ കു​ൽ​ദീ​പ് സിം​ഗ് സെം​ഗാ​റി​ന്‍റെ വീ​ട്ടി​ൽ ആ ​പെ​ണ്‍​കു​ട്ടി​യെ ഒ​രു സ്ത്രീ ​എ​ത്തി​ച്ച​ത്. പി​ന്നീ​ട് ന​ട​ന്ന​ത് മ​നു​ഷ്യ​മ​നഃ​സാ​ക്ഷി​യെ പി​ടി​ച്ചു​ല​യ്ക്കു​ന്ന സം​ഭ​വ​ങ്ങ​ളാ​ണ്. 17 വ​യ​സു​കാ​രി​യെ ഉ​ത്ത​ർ​പ്ര​ദേ​ശ് സം​സ്ഥാ​ന​ത്തെ ഒ​രു ജ​ന​പ്ര​തി​നി​ധി പി​ച്ചി​ച്ചീ​ന്തി. ജ​ന​സേ​വ​ക​ൻ എ​ന്ന പേ​രി​ല​റി​യ​പ്പെ​ടു​ന്ന രാ​ഷ്ട്രീ​യ​ക്കാ​ര​ന്‍റെ ക്രൂ​ര​മു​ഖം. ത​ന്‍റെ കാ​ര്യം ക​ഴി​ഞ്ഞ​തോ​ടെ എം​എ​ൽ​എ അ​ടു​ത്ത ഉൗ​ഴം ത​ന്‍റെ അ​നു​യാ​യി​ക​ൾ​ക്ക് കൈ​മാ​റി. എം​എ​ൽ​എ ചെ​യ്ത​തു​പോ​ലെ, അ​ല്ലെ​ങ്കി​ൽ ഒ​രു പ​ക്ഷെ അ​തി​ലും ക്രൂ​ര​മാ​യി അ​വ​രും ആ ​പെ​ണ്‍​കു​ട്ടി​യോ​ട് പെ​രു​മാ​റി. 11നാ​ണ് പെ​ണ്‍​കു​ട്ടി​യെ കാ​ണാ​നി​ല്ലെ​ന്ന് കാ​ണി​ച്ച് കു​ടും​ബം പോ​ലീ​സി​നെ സ​മീ​പി​ക്കു​ന്ന​ത്. ഒൗ​റാ​യ എ​ന്ന ഗ്രാ​മ​ത്തി​ൽ നി​ന്ന് പെ​ണ്‍​കു​ട്ടി​യെ പോ​ലീ​സ് ക​ണ്ടെ​ത്തി. പ​ക്ഷെ പോ​ലീ​സ് എം​എ​ൽ​എ​യു​ടെ​യും സ​ഹോ​ദ​ര​ന്‍റെ​യും പേ​രി​ൽ കേ​സെ​ടു​ക്കാ​ൻ ത​യാ​റാ​യി​ല്ല.

ജൂ​ണ്‍ 22. ബി​ജെ​പി എം​എ​ൽ​എ​യു​ടെ പേ​ര് പ​റ​യാ​തി​രി​ക്കാ​ൻ പോ​ലീ​സ് നി​ർ​ബ​ന്ധി​ച്ച​താ​യി പെ​ണ്‍​കു​ട്ടി വെ​ളി​പ്പെ​ടു​ത്തി. ഒ​ന്നും സം​ഭ​വി​ച്ചി​ല്ല. ജൂ​ലൈ 3. കു​ൽ​ദീ​പ് സിം​ഗി​ന്‍റെ​യും സ​ഹോ​ദ​ര​ൻ അ​തു​ൽ സിം​ഗി​ന്‍റെ​യും പേ​രി​ൽ എ​ഫ് ഐ​ആ​ർ എ​ടു​ക്ക​ണ​മെ​ന്ന് ആ​വ​ശ്യ​പ്പെ​ട്ട് പെ​ണ്‍​കു​ട്ടി​യു​ടെ കു​ടും​ബം യു​പി മു​ഖ്യ​മ​ന്ത്രി യോ​ഗി ആ​ദിത്യ​നാ​ഥി​ന് ക​ത്ത​യ​യച്ചു. സം​സ്ഥാ​നം ഭ​രി​ക്കു​ന്ന മു​ഖ്യ​മ​ന്ത്രി​യു​ടെ അ​ടു​ത്ത് നി​ന്ന് ഒ​രു പ്ര​തി​ക​ര​ണ​വു​മു​ണ്ടാ​യി​ല്ല.

2018 ഫെ​ബ്രു​വ​രി 24ന് ​പെ​ണ്‍​കു​ട്ടി​യു​ടെ അ​മ്മ കോ​ട​തി​യെ സ​മീ​പി​ച്ചു. അ​തി​ന്‍റെ പ്ര​തി​ക​ര​ണം എം​എ​ൽ​എ യുടെ സ​ഹോ​ദ​ര​ൻ അ​തു​ൽ സിം​ഗി​ന്‍റെ നേ​രേ നി​ന്നു​ണ്ടാ​യി. പെ​ണ്‍​കു​ട്ടി​യു​ടെ അ​ച്ഛ​നെ ക്രൂ​ര​മാ​യി മ​ർ​ദി​ച്ചു. അ​താ​ണ് പ്ര​തി​ക​ര​ണം. മാ​ത്ര​മ​ല്ല ആ​യു​ധം കൈ​യി​ൽ​വ​ച്ചെ​ന്ന് ആ​രോ​പി​ച്ച് ആ ​പി​താ​വി​നെ പോ​ലീ​സ് അ​റ​സ്റ്റ് ചെ​യ്യു​ക​യും ചെ​യ്തു. ഏ​പ്രി​ൽ മൂ​ന്നി​നാ​ണ് ഈ ​സം​ഭ​വം ന​ട​ന്ന​ത്. ആ​റു ദി​വ​സ​ത്തി​നു ശേ​ഷം പോ​ലീ​സ് ക​സ്റ്റ​ഡി​യി​ൽ ആ ​അ​ച്ഛ​ൻ മ​രി​ച്ചു. അ​ല്ല ക്രൂ​ര​മാ​യ മ​ർ​ദ​ന​ത്തി​ന്‍റെ ഫ​ല​മാ​യി കൊ​ല്ല​പ്പെ​ട്ടു. ഏ​പ്രി​ൽ 10ന് ​അ​തുൽ സിം​ഗി​നെ പോ​ലീ​സ് അ​റ​സ്റ്റ് ചെ​യ്തു. ഏ​പ്രി​ൽ 11ന് ​മാ​ന​ഭം​ഗ​ക്കേ​സും പെ​ണ്‍​കു​ട്ടി​യു​ടെ അ​ച്ഛ​ന്‍റെ ക​സ്റ്റ​ഡി​മ​ര​ണ​വും അ​ന്വേ​ഷി​ക്കാ​ൻ പ്ര​ത്യേ​ക അ​ന്വേ​ഷ​ണ സം​ഘം രൂ​പീക​രി​ച്ചു. വൈ​കാ​തെ കേ​സ് സി​ബി​ഐക്ക് കൈ​മാ​റി. ഏ​പ്രി​ൽ 13ന് ​കു​ൽ​ദീ​പ് സിം​ഗി​നെ അ​റ​സ്റ്റ് ചെ​യ്തു.

ജൂ​ലൈ ഏ​ഴി​ന് കേ​സി​ൽ ആ​ദ്യ​ത്തെ ചാ​ർ​ജ് ഷീ​റ്റ് സി​ബി ഐ ​ത​യാ​റാ​ക്കി. പെ​ണ്‍​കു​ട്ടി​യു​ടെ അ​ച്ഛ​നെ മ​ർ​ദി​ച്ചു​കൊ​ന്ന സം​ഭ​വ​ത്തി​ലും കേ​സെ​ടു​ത്തു. ജൂ​ലൈ 13 കു​ൽ​ദീ​പി​നും മ​റ്റ് ഒ​ന്പ​തു​പേ​ർ​ക്കു​മെ​തി​രേ സി​ബി​ഐ കേ​സെ​ടു​ത്തു. ഡി​സം​ബ​റി​ൽ വ്യാ​ജ ജ​ന​ന​സ​ർ​ട്ടി​ഫി​ക്ക​റ്റ് ത​യാ​റാ​ക്കി​യെ​ന്ന് ആ​രോ​പി​ച്ച് പെ​ണ്‍​കു​ട്ടി​ക്കും കു​ടും​ബ​ത്തി​നു​മെ​തി​രേ പോ​ലീ​സ് എ​ഫ് ഐ​ആ​ർ ര​ജി​സ്റ്റ​ർ ചെ​യ്തു.

2019 ജൂ​ലൈ 4ന് 19 ​വ​ർ​ഷം മു​ന്പു​ള്ള കേ​സി​ന്‍റെ പേ​രി​ൽ പെ​ണ്‍​കു​ട്ടി​യു​ടെ അ​മ്മാ​വ​നെ പോ​ലീ​സ് അ​റ​സ്റ്റ് ചെ​യ്തു. 10 വ​ർ​ഷം ത​ട​വി​ന് ജി​ല്ലാ കോ​ട​തി ശി​ക്ഷ​വി​ധി​ച്ചു. അ​തു​ൽ സിം​ഗി​ന്‍റെ പ​രാ​തി​യി​ലാ​ണ് പെ​ണ്‍​കു​ട്ടി​യു​ടെ അ​മ്മാ​വ​നെ അ​റ​സ്റ്റ് ചെ​യ്ത​ത്. ജൂ​ലൈ 28ന് പെ​ണ്‍​കു​ട്ടി​യും അ​മ്മാ​യി​മ​ാ​രും അ​ഭി​ഭാ​ഷ​ക​നു​മ​ട​ങ്ങു​ന്ന സം​ഘം സ​ഞ്ച​രി​ച്ച കാ​റി​ൽ ട്ര​ക്ക് ഇ​ടി​ക്കു​ന്നു. കു​ൽ​ദീ​പ് സിം​ഗ് അ​ട​ക്കം 29 പേ​ർ​ക്കെ​തി​രേ പോ​ലീ​സ് കേ​സെ​ടു​ക്കു​ന്നു. 30ന് ​ഈ കേ​സും സി​ബി​ഐ​ക്ക് കൈ​മാ​റു​ന്നു. ഓ​ഗ​സ്റ്റ് ഒ​ന്നി​ന് ഉ​ന്നാ​വോ സം​ഭ​വ​വു​മാ​യി ബ​ന്ധ​പ്പെ​ട്ട എ​ല്ലാ കേ​സു​ക​ളും ഡ​ൽ​ഹി കോ​ട​തി​യി​ലേ​ക്ക് മാ​റ്റു​ന്നു.

സുപ്രീം കോടതി ഉ​ത്ത​ര​വി​ലെ പ്ര​ധാ​ന നി​ർ​ദേ​ശ​ങ്ങ​ൾ

=പെ​ണ്‍കു​ട്ടി​ക്കു യുപിസ​ർ​ക്കാ​ർ 25 ല​ക്ഷം രൂ​പ ഇ​ട​ക്കാ​ല ന​ഷ്ട​പ​രി​ഹാ​രം ന​ൽ​ക​ണം.
=പെ​ണ്‍കു​ട്ടി​ക്കും അ​മ്മ​യ്ക്കും നാ​ലു സ​ഹോ​ദ​ര​ങ്ങ​ൾ​ക്കും 24 മ​ണി​ക്കൂ​റും സി​ആ​ർ​പി​എ​ഫ് സം​ര​ക്ഷ​ണം ന​ൽ​ക​ണം.
=കാ​ർ അ​പ​ക​ടക്കേ​സി​ൽ ര​ണ്ടാ​ഴ്ച​യ്ക്കു​ള്ളി​ൽ സി​ബി​ഐ അ​ന്വേ​ഷ​ണം പൂ​ർ​ത്തി​യാ​ക്ക​ണം(ക​ഴി​യു​മെ​ങ്കി​ൽ ഏ​ഴു ദി​വ​സ​ത്തി​നു​ള്ളി​ൽ)
=ഉ​ന്നാ​വോ കേ​സു​ക​ളി​ൽ സി​ബി​ഐ കോ​ട​തി 45 ദി​വ​സ​ത്തി​ന​കം പ്ര​തി​ദി​ന വാ​ദം ന​ട​ത്തി വി​ചാ​ര​ണ പൂ​ർ​ത്തി​യാ​ക്ക​ണം.
=ആ​വ​ശ്യ​മെ​ങ്കി​ൽ പെ​ണ്‍കു​ട്ടി​യെ വ്യോ​മ​മാ​ർ​ഗം ഡ​ൽ​ഹി​യി​ലെ​ത്തി​ച്ചു മി​ക​ച്ച ചി​കി​ത്സ ഉ​റ​പ്പു വ​രു​ത്ത​ണം. (കു​ടും​ബ​ത്തി​ന്‍റെ അ​ഭി​പ്രാ​യം ആ​രാ​ഞ്ഞ ശേ​ഷം ഇ​തി​ന് പ്ര​ത്യേ​ക കോ​ട​തി ഉ​ത്ത​ര​വ് തേ​ടാം)
=ജീ​വ​ന് ഭീ​ഷ​ണി​യു​ണ്ടെ​ന്ന പെ​ണ്‍കു​ട്ടി​യു​ടെ ക​ത്ത് കി​ട്ടാ​ൻ വൈ​കി​യ​തി​ൽ സു​പ്രീം​കോ​ട​തി ജ​ഡ്ജി​യു​ടെ മേ​ൽ​നോ​ട്ട​ത്തി​ൽ അ​ന്വേ​ഷ​ണം.
=റാ​യ്ബ​റേ​ലി​യി​ൽ ജ​യി​ലി​ൽ ക​ഴി​യു​ന്ന പെ​ണ്‍കു​ട്ടി​യു​ടെ അ​മ്മാ​വ​നെ സു​ര​ക്ഷ​യെ ക​രു​തി പു​റ​ത്തേ​ക്ക് മാ​റ്റ​ണം.(ഈ ​കേ​സ് ഇ​ന്നു പ​രി​ഗ​ണി​ക്കും)
=പെ​ണ്‍കു​ട്ടി​യു​ടെ അ​ഭി​ഭാ​ഷ​ക​നും സു​ര​ക്ഷ ന​ൽ​ക​ണം.
=ജ​യി​ലി​ൽ ക​ഴി​യു​ന്ന പെ​ണ്‍കു​ട്ടി​യു​ടെ അ​മ്മാ​വ​നും കു​ടും​ബ​ത്തി​നും സി​ആ​ർ​പി​എ​ഫ് സം​ര​ക്ഷ​ണം ന​ൽ​ക​ണം.
=റാ​യ്ബ​റേ​ലി​യി​ലെ സി​ആ​ർ​പി​എ​ഫ് ബ​റ്റാ​ലി​യ​നോ, റാ​യ്ബ​റേ​ലി​ക്ക​ടു​ത്ത മ​റ്റ് സി​ആ​ർ​പി​എ​ഫ് ബ​റ്റാ​ലി​യ​നോ സു​ര​ക്ഷ ഏ​റ്റെ​ടു​ക്ക​ണം. (റി​പ്പോ​ർ​ട്ട് ഇ​ന്ന് കോ​ട​തി​യി​ൽ സ​മ​ർ​പ്പി​ക്ക​ണം.)

ഉന്നാവോയിലെ കാട്ടുനീതി

സെ​ബി മാ​ത്യു

മ​ക​ളെ പ​ഠി​പ്പി​ക്കൂ, മ​ക​ളെ ര​ക്ഷി​ക്കൂ എ​ന്ന പ​ര​സ്യ​വാ​ച​കം ആ​ർ​ത്തു​വി​ളി​ക്കു​ന്ന രാ​ജ്യ​സ്നേ​ഹി​ക​ളു​ടെ ഇ​ട​യി​ൽ നി​ന്നാ​ണ് സ്വ​ന്തം മ​ക​ളു​ടെ ര​ക്ഷ​യ്ക്കാ​യി ഒ​ര​മ്മ എ​ന്തു ചെ​യ്യ​ണ​മെ​ന്ന​റി​യാ​തെ ത​ള​ർ​ന്നി​രി​ക്കു​ന്ന​ത്. അ​ധി​കാ​രം അ​ട​ക്കി​വ​ച്ചു വാ​ണ​വ​ർ അ​വ​ളെ ഒ​രു പാ​ഠം പ​ഠി​പ്പി​ച്ച് അ​ന​ക്ക​മി​ല്ലാ​തെ കി​ട​ത്തി​യി​രി​ക്കു​ന്നു. ഇ​നി ഏ​ത് അ​ധി​കാ​രി വ​ന്നു ര​ക്ഷി​ക്കും എ​ന്ന് അ​വ​ർ ചോ​ദി​ക്കു​ന്പോ​ൾ സു​പ്രീം​കോ​ട​തി​ക്കു​പോ​ലും ഞെ​ട്ട​ൽ ഉ​ള​വാ​ക്കി​യ ഒ​രു നീ​തി​നി​ഷേ​ധം രാ​ജ്യ​ത്തി​ന്‍റെ ത​ല​യ്ക്കു​മീ​തെ ഗ്ര​ഹ​ണ ബാ​ധ​യേ​റ്റെ​ന്ന പോ​ലെ ഇ​രു​ൾ​മൂ​ടി നി​ൽ​ക്കു​ന്നു.

മ​ക​ളു​ടെ അ​ട​ഞ്ഞ ക​ണ്ണു​ക​ൾ​ക്കു​മീ​തെ ഉ​ള്ളി​ൽ ഇ​നി​യും ബാ​ക്കി​യു​ള്ള ജീ​വ​ന്‍റെ അ​ട​യാ​ളം ഇ​മ​യ​ന​ക്ക​മാ​യെ​ങ്കി​ലും വ​രു​ന്നു​ണ്ടോ എ​ന്നു കാ​ത്തു​കാ​ത്തി​രു​ന്ന് ക​ണ്ണീ​രൊ​ഴു​ക്കു​ക​യാ​ണ് ഉ​ന്നാ​വോ​യി​ലെ പെ​ണ്‍കു​ട്ടി​യു​ടെ അ​മ്മ. ഭ​ർ​ത്താ​വ് മ​രി​ച്ചു. അ​ടു​ത്ത ബ​ന്ധു​ക്ക​ൾ മ​രി​ച്ചു. അ​ധി​കാ​ര​ത്തി​ന്‍റെ മ​ത്തു പി​ടി​ച്ച ഒ​രു കാ​പാ​ലി​ക​ൻ ക്രൂ​ര​മാ​യി മാ​ന​ഭം​ഗ​പ്പെ​ടു​ത്തി​യ മ​ക​ൾ നീ​തി തേ​ടി ഇ​റ​ങ്ങി​യ വ​ഴി​യി​ൽ അ​ന​ക്ക​മി​ല്ലാ​തെ അ​ക​ത്തു​കി​ട​ക്കു​ന്നു. മു​റി​വേ​റ്റ നാ​ട് ചു​റ്റും​നി​ന്നു നി​ല​വി​ളി​ക്കു​ന്നു​ണ്ട്. പ​ക്ഷേ, ഈ ​അ​മ്മ​യു​ടെ ഹൃ​ദ​യ​വേ​ദ​ന​ക​ൾ​ക്ക് ഉ​ത്ത​രം ന​ൽ​കാ​ൻ പ​ര​മോ​ന്ന​ത നീ​തി​പീ​ഠം പോ​ലും വ​ള​രെ വൈ​കി​യെ​ടു​ത്ത ക​രു​ത​ലി​നും ക​ഴി​യു​മെ​ന്നു പൂ​ർ​ണ​മാ​യും ക​രു​തു​ക വ​യ്യ.
അ​ത്യാ​ഹി​ത വാ​ർ​ഡി​ന്‍റെ വാ​തി​ൽ തു​റ​ന്ന​ട​യു​ന്പോ​ഴൊ​ക്കെ അ​വ​ളു​ടെ ക​ണ്ണു തു​റ​ന്നോ എ​ന്നു അ​വ​ർ നി​ല​വി​ളി ശ​ബ്ദ​ത്തി​ൽ അ​ല​റി​ക്ക​ര​ഞ്ഞു ചോ​ദി​ക്കു​ന്നു​ണ്ട്. എ​ന്തു​ത്ത​രം ന​ൽ​കു​മെ​ന്ന​റി​യാ​തെ ഡോ​ക്ട​ർ​മാ​രും അ​ടു​ത്തു നി​ൽ​ക്കു​ന്ന ബ​ന്ധു​ക്ക​ളും ചേ​ർ​ത്തു പി​ടി​ച്ചാ​ശ്വ​സി​പ്പി​ക്കു​ന്നു. പ​ത്തൊ​മ്പ​തു വ​യ​സു മാ​ത്ര​മു​ള്ള ത​ന്‍റെ മ​ക​ൾ ആ​ശു​പ​ത്രി യ​ന്ത്ര​ങ്ങ​ളു​ടെ സ​ഹാ​യ​ത്തി​ൽ ജീ​വ​ശ്വാ​സ​മെ​ടു​ത്ത് അ​ന​ക്ക​മി​ല്ലാ​തെ കി​ട​ക്കു​ന്പോ​ൾ ഇ​തു പോ​ലൊ​ര​മ്മ​യെ എ​ങ്ങ​നെ ആ​ശ്വ​സി​പ്പി​ക്കും എ​ന്ന​റി​യാ​തെ ബ​ന്ധു​ക്ക​ളും കു​ഴ​ഞ്ഞു​പോ​കു​ന്നു.

• ഉ​ത്ത​ര​മി​ല്ലാ​തെ അ​ധി​കാ​ര​കേ​ന്ദ്ര​ങ്ങ​ൾ

ക​ഴി​ഞ്ഞ നാ​ലു ദി​വ​സ​മാ​യി പാ​ർ​ല​മെ​ന്‍റി​ൽ പ്ര​തി​പ​ക്ഷം ഉ​ന്നാ​വോ പെ​ണ്‍കു​ട്ടി​യെ ചൂ​ണ്ടി​ക്കാ​ട്ടി തു​ട​ർ​ച്ച​യാ​യി പ്ര​തി​ഷേ​ധം ഉ​യ​ർ​ത്തു​ന്നു​ണ്ട്. സ്പീ​ക്ക​റോ ഭ​ര​ണ​പ​ക്ഷ​മോ ഇ​തി​നൊ​ന്നും ചെ​വി കൊ​ടു​ക്കാ​തെ തി​ടു​ക്ക​പ്പെ​ട്ടു ചി​ല നി​യ​മ​ങ്ങ​ൾ ഭേ​ദ​ഗ​തി ചെ​യ്യു​ക​യും പു​തി​യ ചി​ല നി​യ​മ​ങ്ങ​ൾ അ​ടി​ച്ചേ​ൽ​പ്പി​ക്കു​ക​യും ചെ​യ്യു​ന്ന​തി​ന്‍റെ തി​ര​ക്കി​ലാ​ണ്. സ്പീ​ക്ക​റു​ടെ ക​സേ​രയി​ലി​രി​ക്ക​വേ മു​തി​ർ​ന്ന ബി​ജെ​പി അം​ഗ​ത്തെ നോ​ക്കി അ​ർ​ഥം വെച്ചാ​രു പാ​ട്ട് പാ​ടി​യ അ​സം​ഖാ​നെ സ​ഭ​യി​ൽ ര​ണ്ടു​ത​വ​ണ എ​ഴു​ന്നേ​ൽ​പ്പി​ച്ചു നി​ർ​ത്തി മാ​പ്പു പ​റ​യി​ച്ച​ത് ക​ക്ഷി​ഭേ​ദ​മി​ല്ലാ​തെ മു​ന്നി​ട്ടി​റ​ങ്ങി​യ വ​നി​ത എം​പി​മാ​രാ​ണ്. അ​വ​രി​ലൊ​രാ​ൾ പോ​ലും ഉ​ന്നാ​വോ​യി​ലെ പെ​ണ്‍കു​ട്ടി​ക്കു​വേ​ണ്ടി അ​തു​പോ​ലൊ​രു വ​നി​ത മ​തി​ൽ ഉ​യ​ർ​ത്തു​ന്നി​ല്ല എ​ന്ന​ത് അ​ത്യ​ന്തം ഖേ​ദ​ക​ര​മാ​ണ്.

ഉ​ത്ത​ർ​പ്ര​ദേ​ശി​ൽ യോ​ഗി ആ​ദി​ത്യ​നാ​ഥ് സ​ർ​ക്കാ​ർ അ​ധി​കാ​ര​മേ​റ്റ് ര​ണ്ടാം മാ​സ​ത്തി​ലാ​ണ് ഉ​ന്നാ​വോ​യി​ലെ പെ​ണ്‍കു​ട്ടി​യു​ടെ ദു​ര്യോ​ഗം സം​ഭ​വി​ക്കു​ന്ന​ത്. അ​ന്നു മു​ത​ൽ ഇ​ന്നു​വ​രെ ബി​ജെ​പി​യു​ടെ കേ​ന്ദ്ര, സം​സ്ഥാ​ന സ​ർ​ക്കാ​ർ ഈ ​വി​ഷ​യ​ത്തി​ൽ എ​ന്തു നി​ല​പാ​ട് എ​ടു​ത്തു എ​ന്ന​തു പ​രി​ശോ​ധി​ച്ചാ​ൽ മാ​ത്രം മ​തി അ​ധി​കാ​രം എ​ങ്ങ​നെ​യൊ​ക്കെ അ​ടു​പ്പ​ക്കാ​രു​ടെ മു​ന്നി​ൽ വ​ള​ഞ്ഞൊ​ടി​യു​ന്നു എ​ന്ന തി​രി​ച്ച​റി​വി​ന്. യോ​ഗി സ​ർ​ക്കാ​രി​ന്‍റെ എ​ല്ലാ അ​നാ​സ്ഥ​ക​ളെ​യും തു​റ​ന്നു​കാ​ണി​ക്കു​ന്ന​താ​ണ് പെ​ണ്‍കു​ട്ടി​യു​ടെ സു​ര​ക്ഷ​യ്ക്ക് സം​സ്ഥാ​ന പോ​ലീ​സി​നെ ഒ​ഴി​വാ​ക്കി സി​ആ​ർ​പി​എ​ഫി​നെ നി​യോ​ഗി​ച്ചു കൊ​ണ്ടും 25 ല​ക്ഷം രൂ​പ അ​ടി​യ​ന്ത​ര സ​ഹാ​യം നി​ർ​ദേ​ശി​ച്ചു​കൊ​ണ്ടു​മു​ള്ള സു​പ്രീം​കോ​ട​തി ഉ​ത്ത​ര​വ്.

രാ​ജ്യ​ത്തെ ന​ടു​ക്കി​യ നി​ർ​ഭ​യ​യു​ടെ ദു​ര്യോ​ഗ​ത്തി​ന് ശേ​ഷം ഇ​ന്ത്യ​യു​ടെ ഒ​രു മ​ക​ൾ യ​ന്ത്ര സ​ഹാ​യ​ത്തോ​ടെ ശ്വാ​സം ഉ​ള്ളി​ലേ​ക്കെ​ടു​ത്ത് നീ​തി​ക്കു​വേ​ണ്ടി കേ​ഴു​ന്പോ​ൾ ന​മ്മു​ടെ പ്ര​തി​ഷേ​ധ​ങ്ങ​ൾ രാ​ത്രി​കാ​ല​ങ്ങ​ളി​ൽ ഇ​ന്ത്യാ ഗേ​റ്റി​ന് ചു​റ്റും തെ​ളി​ക്കു​ന്ന മെ​ഴു​തി​രി വെ​ട്ട​ങ്ങ​ളി​ലേ​ക്കോ രാം ​ലീ​ല മൈ​താ​ന​ത്തെ ഉ​ച്ച​ക​ളി​ലേ​ക്കോ വെ​റും മു​ദ്രാ​വാ​ക്യ​ങ്ങ​ൾ മാ​ത്ര​മാ​യി ചു​രു​ങ്ങാ​തി​രി​ക്ക​ട്ടെ.

• അ​ന​ക്ക​മി​ല്ലാ​തെ അ​വ​ൾ‌

ല​ഖ്നൗ​വി​ലെ കിം​ഗ് ജോ​ർ​ജ് യൂ​ണി​വേ​ഴ്സി​റ്റി ആ​ശു​പ​ത്രി​യു​ടെ മൂ​ന്നാം നി​ല​യി​ലെ അ​ത്യാ​ഹി​ത വി​ഭാ​ഗ​ത്തി​നു മു​ന്നി​ൽ തോ​രാ​ത്ത ക​ണ്ണു​ക​ളു​മാ​യി ഈ ​അ​മ്മ​യു​ടെ​യും ബ​ന്ധു​ക്ക​ളു​ടെ​യും കാ​ത്തി​രി​പ്പ് ഇ​ന്നും ഇ​ങ്ങ​നെ ത​ന്നെ ക​ട​ന്നു പോ​കു​ന്നു. ഉ​ന്നാ​വോ പീ​ഡ​ന കേ​സി​ലെ ഇ​ര​യും പ​ത്തൊ​ന്പ​തു​കാ​രി​യു​മാ​യ പെ​ണ്‍കു​ട്ടി ഇ​ന്നും ബോ​ധം തെ​ളി​യാ​തെ വെ​ന്‍റി​ലേ​റ്റ​റി​ൽ ക​ഴി​യു​ക​യാ​ണ്. കു​ട്ടി​ക്കൊ​പ്പം അ​പ​ക​ട​ത്തി​ൽ പെ​ട്ട അ​ഭി​ഭാ​ഷ​ക​ന്‍റെ നി​ല​യും ഗു​രു​ത​ര​മാ​യി ത​ന്നെ തു​ട​രു​ന്നു.

വെ​ന്‍റി​ലേ​റ്റ​റി​ൽ ക​ഴി​യു​ന്ന പെ​ണ്‍കു​ട്ടി​ക്ക് തീ​രെ അ​ന​ക്ക​മി​ല്ലെ​ന്നാ​ണു ബ​ന്ധു സ​ന്ദീ​പ് തി​വാ​രി പ​റ​ഞ്ഞ​ത്. അ​പ​ക​ട​ത്തി​ൽ ആ​കെ ഷോ​ക്കി​ലാ​യി പോ​യ പെ​ണ്‍കു​ട്ടി​യു​ടെ ശ​രീ​രം മു​ഴു​വ​ൻ പ​രി​ക്കു​ക​ളാ​ണ്. വ​ല​തു നെ​ഞ്ചി​ലെ പ​രി​ക്ക് ഗു​രു​ത​ര​മാ​ണ്. വ​ല​ത് വ​ശ​ത്തെ ക​ഴു​ത്തെ​ല്ലി​നു ഒ​ടി​വു​മു​ണ്ട്. താ​ടി​യെ​ല്ലി​നു പൊ​ട്ട​ലും വ​ല​തു തോ​ളെ​ല്ലി​ന് ഒ​ടി​വു​മു​ണ്ട്. പ​രി​ക്കു​ക​ളു​ടെ ഗു​രു​ത​രാ​വ​സ്ഥ കാ​ര​ണം ആ​ന്ത​രി​ക ര​ക്ത​സ്രാ​വ​വും ഉ​ണ്ട്. സി​ടി സ്കാ​നി​ൽ ത​ല​യ്ക്ക് പ​രി​ക്കു​ക​ളി​ലെ​ന്നാ​ണ് വ്യ​ക്ത​മാ​കു​ന്ന​ത്. എ​ന്നാ​ൽ, ഇ​ടി​യു​ടെ ആ​ഘാ​ത​ത്തി​ൽ ആ​ന്ത​രി​ക പ​രി​ക്കു​ക​ൾ സം​ഭ​വി​ച്ചി​ട്ടു​ണ്ടോ എ​ന്നു വ്യ​ക്ത​മ​ല്ല. ഇ​തി​നോ​ട​കം ജീ​വ​ൻ പി​ടി​ച്ചു​നി​ർ​ത്തു​ന്ന​തി​നാ​യി നി​ര​വ​ധി ചെ​റി​യ ശ​സ്ത്ര​ക്രി​യ​ക​ൾ ന​ട​ന്നു ക​ഴി​ഞ്ഞു.

പെ​ണ്‍കു​ട്ടി​ക്കൊ​പ്പം അ​പ​ക​ട​ത്തി​ൽ പെ​ട്ട അ​ഭി​ഭാ​ഷ​ക​ൻ മ​ഹേ​ന്ദ്ര സിം​ഗ് കാ​ല് അ​ന​ക്കി​യ​തി​നെ തു​ട​ർ​ന്നു വെ​ന്‍റി​ലേ​റ്റ​റി​ൽ നി​ന്നു മാ​റ്റി​യെ​ങ്കി​ലും വീ​ണ്ടും അ​ബോ​ധാ​വ​സ്ഥ​യി​ൽ ആ​യ​തി​നെ തു​ട​ർ​ന്ന് തി​രി​കെ ക​യ​റ്റി. ആ​ശു​പ​ത്രി അ​ത്യാ​ഹി​ത വി​ഭാ​ഗ​ത്തി​ന് പു​റ​ത്തു പോ​ലീ​സ് കാ​വ​ലു​ണ്ട്. മാ​ധ്യ​മ​ങ്ങ​ളു​ടെ പ്ര​വേ​ശ​നം ക​ർ​ശ​ന​മാ​യി ത​ട​ഞ്ഞി​രി​ക്കു​ക​യാ​ണ്.

നാ​ടു​ വാ​ഴു​ന്ന സെം​ഗാ​ർ ഭീ​ക​ര​ത

ക​ഴി​ഞ്ഞ വ​ർ​ഷം ഏ​പ്രി​ലി​ൽ മാ​ന​ഭം​ഗ കേ​സി​ൽ അ​ക​ത്തു പോ​യി​ട്ടും 14 മാ​സം എ​ടു​ത്തു ബി​ജെ​പി കു​ൽ​ദീ​പ് സിം​ഗ് സെം​ഗാ​ർ എ​ന്ന ക്രി​മി​ന​ൽ എം​എ​ൽ​എ​യെ ഒ​ന്നു സ​സ്പെ​ൻ​ഡ് ചെ​യ്യാ​നും തു​ട​ർ​ന്നു പാ​ർ​ട്ടി​ക്കു പു​റ​ത്താ​ക്കാ​നും. അ​ത്ര​യേ​റെ ക​രു​ത്ത​നാ​ണ് തി​രു​വാ​യ്ക്ക് എ​തി​ർ വാ ​ഇ​ല്ലാ​ത്ത വി​ധം അ​ട​ക്കി വാ​ഴു​ന്ന ക​രു​ത്ത​നും ക്രൂ​ര​നു​മാ​യ ഈ ​ര​ജ​പു​ത്ര നാ​ടു​വാ​ഴി. ക​ഴി​ഞ്ഞ ലോ​ക്സ​ഭാ തെ​ര​ഞ്ഞെ​ടു​പ്പി​ൽ ഉ​ന്നാ​വോ ലോ​ക്സ​ഭാ മ​ണ്ഡ​ല​ത്തി​ൽ നി​ന്നു വി​ജ​യി​ച്ച ബി​ജെ​പി എം​പി സാ​ക്ഷി മ​ഹാ​രാ​ജ് ജ​യി​ലി​ൽ ക​ഴി​ഞ്ഞി​രു​ന്ന കു​ൽ​ദീ​പ് സിം​ഗി​നെ നേ​രി​ട്ടു ചെ​ന്നു ക​ണ്ടാ​ണ് സ​ന്തോ​ഷം പ​ങ്കു​വ​ച്ച​ത്. പാ​ർ​ട്ടി​യി​ൽ നി​ന്നു പു​റ​ത്താ​ക്ക​പ്പെ​ടു​ന്പോ​ൾ ഉ​ന്നാ​വോ​യി​ലെ ബം​ഗാ​ർ​മൗ മ​ണ്ഡ​ല​ത്തി​ൽ നി​ന്നു​ള്ള എം​എ​ൽ​എ ആ​ണ് കു​ൽ​ദീ​പ് സിം​ഗ്.

പി​താ​വ് മു​ലാ​യം സിം​ഗി​ന്‍റെ ഗ്രാ​മ​മാ​യ ഫ​ത്തേ​പ്പൂ​രി​ൽ നി​ന്ന് കു​ൽ​ദീ​പി​ന്‍റെ കു​ട്ടി​ക്കാ​ല​ത്താ​ണ് അ​മ്മ​യു​ടെ ഗ്രാ​മ​മാ​യ മം​ഖി​യി​ലേ​ക്ക് താ​മ​സം മാ​റു​ന്ന​ത്. അ​റു​പ​ത് വ​ർ​ഷ​മാ​യി കു​ൽ​ദീ​പ് സെം​ഗാ​റി​ന്‍റെ കു​ടും​ബം അ​ട​ക്കി വാ​ഴു​ന്ന ഗ്രാ​മം ആ​ണി​ത്. 37 വ​ർ​ഷം തു​ട​ർ​ച്ച​യാ​യി ഗ്രാ​മ​മു​ഖ്യ​നാ​യി​രു​ന്ന മു​ത്ത​ച്ഛ​ൻ ബാ​ബു സിം​ഗി​ൽ നി​ന്നാ​ണ് 21 വ​യ​സു​ള്ള​പ്പോ​ൾ കു​ൽ​ദീ​പ് സിം​ഗ് അ​ധി​കാ​രം ക​യ്യ​ട​ക്കി അ​ര​ങ്ങു വാ​ണു തു​ട​ങ്ങു​ന്ന​ത്. 1987ൽ ​ന​ട​ന്ന തെ​ര​ഞ്ഞെ​ടു​പ്പി​ൽ എ​തി​രി​ല്ലാ​തെ തെ​ര​ഞ്ഞെ​ടു​ക്ക​പ്പെ​ട്ടു. ഇ​പ്പോ​ൾ സെം​ഗാ​റി​ന്‍റെ സ​ഹോ​ദ​ര​ൻ അ​തു​ലി​ന്‍റെ ഭാ​ര്യ അ​ർ​ച്ച​ന സിം​ഗ് ആ​ണ് ഗ്രാ​മ​മു​ഖ്യ. സെം​ഗാ​റി​ന്‍റെ ഭാ​ര്യ സം​ഗീ​ത സിം​ഗ് ആ​ണ് ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ്. കാ​ണ്‍പൂ​രി​ലും ഉ​ന്നാ​വോ​യി​ലു​മാ​യി വ്യാ​പി​ച്ചു കി​ട​ക്കു​ന്ന ജ്വ​ല്ല​റി​ക​ളാ​ണ് സെം​ഗാ​ർ കു​ടും​ബ​ത്തി​ന്‍റെ വ്യ​ാവ​സാ​യി​ക അ​ടി​ത്ത​റ. യൂ​ത്ത് കോ​ണ്‍ഗ്ര​സു​കാ​ര​നാ​യാ​ണ് സെം​ഗാ​റി​ന്‍റെ രാ​ഷ്‌​ട്രീ​യ പ്ര​വേ​ശ​നം. പി​ന്നീ​ട് നാ​ലു ത​വ​ണ എം​എ​ൽ​എ ആ​യി. 2002ൽ ​ബി​എ​സ്പി ടി​ക്ക​റ്റി​ലാ​ണ് മ​ത്സ​രി​ച്ചു വി​ജ​യി​ച്ച​ത്. 2007ൽ ​സ​മാ​ജ് വാ​ദി പാ​ർ​ട്ടി​യോ​ടൊ​പ്പം നി​ന്നു മ​ത്സ​രി​ച്ചു വി​ജ​യി​ച്ചു. 2012 വീ​ണ്ടും ബി​എ​സ്പി സ്ഥാ​നാ​ർ​ഥി​യാ​യി വി​ജ​യി​ച്ചു. 2017ൽ ​ബി​ജെ​പി​യി​ൽ ചേ​ർ​ന്ന് താ​മ​ര ചി​ഹ്ന​ത്തി​ൽ മ​ത്സ​രി​ച്ച് വി​ജ​യി​ച്ച് എം​എ​ൽ​എ ആ​യി.

ത​നി​ക്ക് വേ​ണ്ടത് ​ഭീ​ഷ​ണി​യി​ലൂ​ടെ​യും കൈ​ക്ക​രു​ത്തി​ലൂ​ടെ​യും നേ​ടി​യെ​ടു​ക്കു​ക​യാ​ണ് കു​ൽ​ദീ​പ് സെം​ഗാ​റി​ന്‍റെ രീ​തി. ഗ്രാ​മ​ത്തി​ൽ എ​ല്ലാ​വ​രും ഇ​യാ​ൾ​ക്ക് വോ​ട്ടു ചെ​യ്യും. മ​റി​ച്ച് ചി​ന്തി​ക്കു​ന്ന​വ​രു​ടെ മ​ന​സി​ലെ​ന്താ​ണെ​ന്ന് പോ​ലും ക​ണ്ടറി​ഞ്ഞു പ്ര​തി​കാ​രം ചെ​യ്യു​ന്ന​വ​നാ​ണ് ഇ​യാ​ൾ എ​ന്ന് ഗ്രാ​മ​വാ​സി​ക​ൾ അ​ട​ക്കം പ​റ​യും. 2004ൽ ​ഉ​ത്ത​ർ​പ്ര​ദേ​ശി​ൽ അ​ന​ധി​കൃ​ത ഖ​ന​ന​ത്തി​ലൂ​ടെ​യാ​ണ് കു​ൽ​ദീ​പും കു​ടും​ബ​വും പ​ണം സ​ന്പാ​ദി​ക്കു​ന്ന​തെ​ന്ന ആ​രോ​പ​ണം ഉ​യ​ർ​ന്നു വ​ന്നു. ഇ​ത് അ​ന്വേ​ഷി​ച്ചു ചെ​ന്ന ഡി​എ​സ്പി രാം​ലാ​ൽ വ​ർ​മ​യു​ടെ വ​യ​റി​ൽ വെ​ടി​വ​ച്ചു വീ​ഴ്ത്തി കു​ൽ​ദീ​പി​ന്‍റെ സ​ഹോ​ദ​ര​ൻ അ​തു​ൽ സെം​ഗാ​ർ. പേ​ടി​ച്ചു​പോ​യ ഡി​എസ്​പി ത​നി​ക്കു പ​രാ​തി​യി​ല്ലെ​ന്നു പ​റ​ഞ്ഞു പി​ൻ​വാ​ങ്ങു​ക​യാ​ണു ചെ​യ്ത​ത്.

2018 ഏ​പ്രി​ലി​ൽ ഉ​ന്നാ​വോ പെ​ണ്‍കു​ട്ടി​യു​ടെ അ​ച്ഛ​നെ പ​ട്ടാ​പ്പ​ക​ൽ മ​ര​ത്തി​ൽ കെ​ട്ടി​യി​ട്ട് ത​ല്ലി​ച്ച​ത​ച്ച​തും അ​തു​ൽ സെം​ഗാ​ർ ആ​ണ്. ഇ​തേ തു​ട​ർ​ന്നാ​ണ് പെ​ണ്‍കു​ട്ടി​യു​ടെ പി​താ​വ് മ​രി​ക്കു​ന്ന​തും. പെ​ണ്‍കു​ട്ടി​യു​ടെ അ​മ്മ ന​ൽ​കി​യ പ​രാ​തി​യി​ൽ അ​തു​ലി​ന്‍റെ പേ​ര് വ്യ​ക്ത​മാ​യി എ​ഴു​തി ചേ​ർ​ത്തി​രു​ന്നെ​ങ്കി​ലും വി​ധേ​യ​ൻ​മാ​രാ​യ പോ​ലീ​സു​കാ​ർ വി​ദ​ഗ്ധ​മാ​യി അ​തു മാ​യ്ച്ചു ക​ള​ഞ്ഞു. ഉ​ന്നാ​വോ കേ​സു​മാ​യി ബ​ന്ധ​പ്പെ​ട്ട് കു​ൽ​ദീ​പ് സിം​ഗി​നൊ​പ്പം ത​ന്നെ ര​ണ്ടു സ​ഹോ​ദ​ര​ൻ​മാ​രും പ്ര​തി​സ്ഥാ​ന​ത്തു​ണ്ട്. കു​ൽ​ദീ​പ് സിം​ഗ് സെം​ഗാ​റി​നെ​തി​രേ കൊ​ല​ക്കു​റ്റ​വും ക്രി​മി​ന​ൽ ഗൂ​ഡാ​ലോ​ച​ന​യും മാ​ന​ഭം​ഗ കേ​സു​മാ​ണ് ചു​മ​ത്തി​യി​ട്ടു​ള്ള​ത്. സ​ഹോ​ദ​ര​ൻ അ​തു​ലി​നെ​തി​രേ ഭ​വ​ന​ഭേ​ദ​ന​ത്തി​നും കൊ​ല​പാ​ത​ക ശ്ര​മ​ത്തി​നും കേ​സെ​ടു​ത്തു. ഇ​ള​യ സ​ഹോ​ദ​ര​ൻ മ​നോ​ജി​നെ​തി​രേ സി​ബി​ഐ എ​ഫ്ഐ​ആ​റി​ൽ പെ​ണ്‍കു​ട്ടി ഉ​ൾ​പ്പെ​ട്ട കാ​റ​പ​ക​ട​വു​മാ​യി ബ​ന്ധ​പ്പെ​ട്ടാ​ണ് കേ​സെ​ടു​ത്തി​രി​ക്കു​ന്ന​ത്.

• ക​രു​തി​ക്കൂ​ട്ടി കാ​റ​പ​ക​ടം

ഉ​ന്നാ​വോ മാ​നഭം​ഗ​ക്കേ​സി​നെ ഇ​ല്ലാ​താ​ക്കാ​ൻ ക​രു​തി​ക്കൂ​ട്ടി ആ​സൂ​ത്ര​ണം ചെ​യ്ത​ത് എ​ന്നു വ്യ​ക്ത​മാ​ക്കും വി​ധ​ത്തി​ലാ​ണ് പെ​ണ്‍കു​ട്ടി​യും കു​ടും​ബ​വും സ​ഞ്ച​രി​ച്ചി​രു​ന്ന കാ​റി​ലേ​ക്ക് ട്ര​ക്ക് വ​ന്നി​ടി​ക്കു​ന്ന​ത്. അ​പ​ക​ടം ന​ട​ന്ന സ​മ​യ​ത്ത് ട്ര​ക്കോ​ടി​ച്ചി​രു​ന്ന ആ​ഷി​ഷ് കു​മാ​ർ പാ​ലി​നെ സി​ബി​ഐ ക​സ്റ്റ​ഡി​യി​ലെ​ടു​ത്തി​ട്ടു​ണ്ട്. സം​ഭ​വം ന​ട​ന്ന സ്ഥ​ലം അ​പ​ക​ട മേ​ഖ​ല​യ​ല്ലെ​ന്ന് സ​മീ​പ​ത്തു​ള്ള ധാ​ബ​യി​ൽ ജോ​ലി ചെ​യ്യു​ന്ന ജീ​വ​ന​ക്കാ​ർ പ​റ​യു​ന്നു. അ​ടു​ത്ത് കോ​ള​ജു​ള്ള​തി​നാ​ൽ ഈ ​പ്ര​ദേ​ശ​ത്തെ​ത്തു​ന്പോ​ൾ സാ​ധാ​ര​ണ നി​ല​യി​ൽ വാ​ഹ​ന​ങ്ങ​ൾ വേ​ഗം കു​റ​ച്ചാ​ണ് പോ​കാ​റു​ള്ള​ത്. ക​ഴി​ഞ്ഞ 12 വ​ർ​ഷ​മാ​യി താ​നി​വി​ടെ ജോ​ലി ചെ​യ്യു​ന്നു​ണ്ടെന്നും ​ഇ​ക്കാ​ല​യ​ള​വി​ൽ ഇ​പ്പോ​ൾ ന​ട​ന്ന​രി​ക്കു​ന്ന​ത് നാ​ലാ​മ​ത്തെ​യോ അ​ഞ്ചാ​മ​ത്തെ​യോ അ​പ​ക​ടം മാ​ത്ര​മാ​ണെ​ന്നും ഒ​രു ക​ട​യി​ലെ ജീ​വ​ന​ക്കാ​ര​ൻ പ​റ​ഞ്ഞു.

അ​പ​ക​ട​ത്തി​ൽ​പ്പെ​ട്ട ട്ര​ക്കും കാ​റും സി​ബി​ഐ വി​ശ​ദ​മാ​യി പ​രി​ശോ​ധി​ച്ചു. ട്ര​ക്കി​ൽ നി​ന്ന് ഡ്രൈ​വ​റു​ടെ വ്യ​ക്തി​പ​ര​മാ​യ വി​വ​ര​ങ്ങ​ളും കാ​റി​ൽ നി​ന്ന് ഏ​റെ നി​ർ​ണാ​യ​ക​മാ​കു​ന്ന തെ​ളി​വു​ക​ളും ല​ഭി​ച്ചി​ട്ടു​ണ്ട്. അ​തേ​സ​മ​യം ഫോ​റ​ൻ​സി​ക് വി​ഭാ​ഗ​ത്തി​ന്‍റെ ന​ട​പ​ടി​ക​ളെ സി​ബി​ഐ ചോ​ദ്യം ചെ​യ്തു. എ​ന്തു​കൊ​ണ്ടാ​ണ് ഇ​തു​വ​രെ​യാ​യി​ട്ടും ഫോ​റ​ൻ​സി​ക് അ​ന്വേ​ഷ​ണം ന​ട​ത്താ​തി​രു​ന്ന​തെ​ന്നാണ് സി​ബി​ഐ പോ​ലീ​സി​നോ​ട് ചോ​ദി​ച്ച​ത്.

• രാ​ജ്യം മു​നി​ബ​യി​ലൂ​ടെ ചോ​ദി​ച്ചു

സു​ര​ക്ഷാ ബോ​ധ​വ​ത്ക​ര​ണ​വു​മാ​യി ബ​ന്ധ​പ്പെ​ട്ട ക്ലാ​സി​നാ​യി സ്കൂ​ളി​ലെ​ത്തി​യ ഉ​ത്ത​ർ​പ്ര​ദേ​ശ് പോ​ലീ​സി​ലെ മു​തി​ർ​ന്ന ഉ​ദ്യോ​ഗ​സ്ഥ​നു നേ​ർ​ക്ക് ആ​ന​ന്ദ് ഭ​വ​ൻ സ്കൂ​ളി​ലെ പ്ല​സ് വ​ണ്‍ വി​ദ്യാ​ർ​ഥി​നി​യാ​യ മു​നി​ബ കി​ദ്വാ​യി​യു​ടെ ചോ​ദ്യം രാ​ജ്യ​ത്തി​നു വേ​ണ്ടി​ക്കൂ​ടി​യാ​യി​രു​ന്നു: നി​ങ്ങ​ൾ പ​റ​യു​ന്നു ഞ​ങ്ങ​ളു​ടെ ശ​ബ്ദ​മു​യ​ര​ണം പ്ര​തി​ഷേ​ധി​ക്ക​ണം എ​ന്ന്. ബി​ജെ​പി നേ​താ​വ് ഒ​രു കൗ​മാ​ര​ക്കാ​രി​യെ ബ​ലാ​ത്സം​ഗം ചെ​യ്ത​തി​നെ​ക്കു​റി​ച്ച് ഞ​ങ്ങ​ൾ​ക്ക​റി​യാം. ഇ​പ്പോ​ൾ ന​ട​ന്നി​രി​ക്കു​ന്ന​ത് അ​പ​ക​ട​മ​ല്ലെ​ന്നു എ​ല്ലാ​വ​ർ​ക്കു​മ​റി​യാം. അ​പ​ക​ട​ത്തി​നി​ട​യാ​ക്കി​യ ട്ര​ക്കി​ന്‍റെ ന​ന്പ​ർ ക​റു​ത്ത പെ​യി​ന്‍റ​ടി​ച്ച് മ​റ​ച്ചി​രു​ന്നു. സം​ഭ​വ​ത്തി​ൽ ഒ​രു സാ​ധാ​ര​ണ​ക്കാ​ര​ൻ ഉ​ൾ​പ്പെ​ട്ടി​ട്ടു​ണ്ടെങ്കി​ൽ പ്ര​തി​ഷേ​ധി​ക്കാം. ന​ട​പ​ടി​യു​ണ്ടാ​കു​മെ​ന്ന​റി​യാം. എ​ന്നാ​ൽ, പ്ര​തി​യാ​ക്ക​പ്പെ​ട്ട​വ​ർ ഉ​യ​ർ​ന്ന പ​ദ​വി​യി​ലു​ള്ള ആ​ളാ​ണെ​ങ്കി​ൽ പ്ര​തി​ഷേ​ധി​ച്ചാ​ലും ഒ​രു ന​ട​പ​ടി​യും എ​ടു​ക്കി​ല്ല. ഉ​ന്നാ​വോ വി​ഷ​യ​ത്തി​ൽ ഇ​പ്പോ​ൾ ന​ട​പ​ടി​യെ​ടു​ത്തു എ​ന്നു ക​രു​തു​ക. എ​ന്നാ​ലും വ​ലി​യ പ്ര​യോ​ജ​ന​മി​ല്ല. കാ​ര​ണം ആ ​പെ​ണ്‍കു​ട്ടി ഗു​രു​ത​രാ​വ​സ്ഥ​യി​ലാ​ണ്. ത​ങ്ങ​ളു​ടെ പ്ര​തി​ഷേ​ധ​ത്തി​ൽ പോ​ലീ​സി​ന് നീ​തി ഉ​റ​പ്പാ​ക്കാ​ൻ ക​ഴി​യു​മോ എ​ന്നും മു​നി​ബ ചോ​ദി​ക്കു​ന്പോ​ൾ യു​പി പോ​ലീ​സി​നൊ​പ്പം ഇ​ന്ത്യ​യെ​ന്ന ജ​നാ​ധി​പ​ത്യ രാ​ജ്യ​വും ഉ​ന്നാ​വോ​യി​ലേ​ക്കു നോ​ക്കി ത​ല​കു​നി​ച്ചു നി​ൽ​ക്കു​ന്നു.