ആ​ദി​വാ​സി സ്കൂ​ളു​ക​ളി​ൽ അ​ക്ഷ​ര​വി​പ്ല​വം

റെജി ജോസഫ്

ഗോ​ത്ര​ബ​ന്ധു അ​ധ്യാ​പ​നം വ​യ​നാ​ട്ടി​ലെ പ്രൈ​മ​റി സ്കൂ​ളു​ക​ളി​ൽ വി​സ്മ​യ​ക​ര​മാ​യ നേ​ട്ട​ങ്ങ​ൾ കു​റി​ക്കു​ക​യാ​ണ്. ബി​എ​ഡും ടി​ടി​സി​യു​മു​ള്ള ആ​ദി​വാ​സി​ക​ളെ അ​ധ്യാ​പ​ക​രാ​യി നേ​രി​ട്ട് സ്കൂ​ളു​ക​ളി​ൽ നി​യ​മി​ച്ച പ​ദ്ധ​തി​യാ​ണ് ഗോ​ത്ര​ബ​ന്ധു. ആ​ദി​വാ​സി വി​ദ്യാ​ഭ്യാ​സ​ത്തി​ൽ രാ​ജ്യ​ത്തി​നു മാ​തൃ​ക​യാ​ക്കാ​വു​ന്ന സം​രം​ഭം. വ​യ​നാ​ട്ടി​ലെ താ​ലൂ​ക്കു​ക​ളാ​യ വൈ​ത്തി​രി​യി​ൽ 74, സു​ൽ​ത്താ​ൻ ബ​ത്തേ​രി​യി​ൽ-77, മാ​ന​ന്ത​വാ​ടി​യി​ൽ-92 എ​ന്ന ക്ര​മ​ത്തി​ൽ ഗോ​ത്ര​വ​ർ​ഗ അ​ധ്യാ​പ​ക​ർ ആ​ദി​വാ​സി കു​ട്ടി​ക​ൾ​ക്ക് അ​വ​രു​ടെ ഭാ​ഷ​യി​ലും സം​സ്കാ​ര​ത്തി​ലും വി​ജ്ഞാ​നം പ​ക​ർ​ന്നു ന​ൽ​കു​ന്ന പ​ദ്ധ​തി വി​ജ​യ​ക​ര​മാ​യ മൂ​ന്നാം വ​ർ​ഷ​ത്തി​ൽ എ​ത്തി​യി​രി​ക്കു​ന്നു.

അ​ടി​യ​ർ, പ​ണി​യ​ർ, കാ​ട്ടു​നാ​യ്ക്കർ, കു​റു​മ, ഉൗ​രാ​ളി എ​ന്നീ ഗോ​ത്ര​വാ​സി കു​ട്ടി​ക​ളു​ടെ ഒ​ന്നു മു​ത​ൽ നാ​ലു വ​രെ ക്ലാ​സു​ക​ളി​ലെ കൊ​ഴി​ഞ്ഞു​പോ​ക്കു ത​ട​യാ​ൻ 2017 ജൂ​ണി​ൽ സം​സ്ഥാ​ന സ​ർ​ക്കാ​ർ ആ​വി​ഷ്ക​രി​ച്ച​താ​ണി​ത്. കു​ട്ടി​ക​ളു​ടെ മാ​ത്ര​മ​ല്ല ഗോ​ത്ര അ​ധ്യാ​പ​ക​രു​ടെ​യും ജീ​വി​ത​സാ​ഹ​ച​ര്യം ഈ ​പ​ദ്ധ​തി​യി​ലൂ​ടെ മെ​ച്ച​പ്പെ​ട്ടു. സ്വ​ന്തം ഗോ​ത്ര​ത്തി​ലെ ടീ​ച്ച​ർ പ​ഠി​പ്പി​ക്കാ​നും പ​രി​ശീ​ലി​പ്പി​ക്കാ​നും വ​ന്ന​തോ​ടെ കു​ട്ടി​ക​ളു​ടെ ആ​ത്മ​വി​ശ്വാ​സം വ​ർ​ധി​ച്ചു. നാ​ട്ടു​ഭാ​ഷ ആ​ദി​വാ​സി കു​ട്ടി​ക​ൾ​ക്ക​റി​യി​ല്ല. പാ​ഠ​ത്തി​ന്‍റെ അ​ർ​ഥം അ​വ​രു​ടെ ഭാ​ഷ​യി​ൽ അ​ധ്യാ​പ​ക​രു​ടെ സ​ഹാ​യി​യാ​യി പ​ഠി​പ്പി​ക്കു​ക​യാ​ണ് ആ​ദി​വാ​സി​യാ​യ മെ​ന്‍റ​ർ ടീ​ച്ച​ർ. ഇ​വ​ർ വാ​ക്കു​ക​ൾ ഗോ​ത്ര​ഭാ​ഷ​യി​ലേ​ക്ക് പ​രി​ഭാ​ഷ​പ്പെ​ടു​ത്തി​യും ചി​ത്ര​ങ്ങ​ൾ വ​ര​ച്ചും പ​ട​ങ്ങ​ൾ കാ​ണി​ച്ചും പ​ഠി​പ്പി​ക്കു​ന്ന ന​വീ​ന രീ​തി. ക്ലാ​സി​നു പു​റ​ത്തും മെ​ന്‍റ​ർ അ​ധ്യാ​പ​ക​ർ കു​ട്ടി​ക​ളു​ടെ സ​ഹാ​യി​യാ​യി നി​ല​കൊ​ള്ളു​ന്നു. മ​ല​മു​ക​ളി​ലും പാ​റ​ക്കെ​ട്ടു​ക​ളി​ലും പാ​ർ​ക്കു​ന്ന മാ​താപി​താ​ക്ക​ളു​മാ​യി ഗോ​ത്ര​ഭാ​ഷ​യി​ൽ ആ​ശ​യ​വി​നി​മ​യം ന​ട​ത്തു​ക, കു​ട്ടി​ക​ളെ പ​ഠി​പ്പി​ക്കേ​ണ്ട​തി​ന്‍റെ ആ​വ​ശ്യ​ക​ത ബോ​ധ​വ​ത്ക​രി​ക്കു​ക, പാ​ഠ​പു​സ്ത​കം അ​ടി​സ്ഥാ​ന​മാ​ക്കി ഗോ​ത്ര​ഭാ​ഷ​യി​ൽ പ​ഠി​പ്പി​ക്കു​ക എ​ന്നി​വ​യാ​ണ് മെ​ന്‍റ​ർ​മാ​രു​ടെ പ്ര​ധാ​ന ജോ​ലി​ക​ൾ.

വ​ഴി​യും വെ​ളി​ച്ച​വും ഇ​ന്നും ക​ട​ന്നു ചെ​ന്നി​ട്ടി​ല്ലാ​ത്ത വ​യ​നാ​ട​ൻ ആ​ദി​വാ​സി ഉൗ​രു​ക​ളി​ൽ ഗോ​ത്ര​ഭാ​ഷ മാ​ത്രം അ​റി​യാ​വു​ന്ന കു​ട്ടി​ക​ൾ വി​ദ്യാ​ല​യ​ങ്ങ​ളി​ലെ​ത്തു​ന്പോ​ൾ പ​ഠ​നം ദു​ഷ്ക​ര​മാ​കു​ന്ന​താ​ണ് കൊ​ഴി​ഞ്ഞു​പോ​ക്കി​ന് പ്ര​ധാ​ന കാ​ര​ണം. ഓ​രോ വ​ർ​ഗ​ത്തി​നും തി​ക​ച്ചും വ്യ​ത്യ​സ്ത​മാ​യ ത​ന​തു ഭാ​ഷ​യു​ണ്ട്. ഗോ​ത്ര​ഭാ​ഷ​ക​ൾ​ക്ക് ലി​പി​യി​ല്ലാ​ത്ത​തി​നാ​ൽ കേ​ട്ടു​പ​ഠി​ക്കു​ക മാ​ത്ര​മേ വ​ഴി​യു​ള്ളു. നാ​ട്ടു​ഭാ​ഷ അ​റി​വി​ല്ലാ​ത്ത ആ​ദി​വാ​സി കു​ട്ടി​ക​ൾ​ക്ക് നാ​ട്ടി​ൽ​നി​ന്നു​ള്ള കു​ട്ടി​ക​ളു​മാ​യി ഇ​ട​പ​ഴ​കാ​നും അ​ധ്യാ​പ​ക​രോ​ട് കാ​ര്യ​ങ്ങ​ൾ തു​റ​ന്നു​പ​റ​യാ​നും പ്ര​യാ​സം നേ​രി​ടു​ന്നു. ഈ ​സാ​ഹ​ച​ര്യ​ത്തി​ലാ​ണ് ഏ​റെ കു​ട്ടി​ക​ളും സ്കൂ​ൾ ഉ​പേ​ക്ഷി​ക്കു​ന്ന​ത്. ആ​ദി​വാ​സി കു​ട്ടി ദി​വ​സം ക്ലാ​സി​ൽ എ​ത്തി​യി​ട്ടി​ല്ലെ​ങ്കി​ൽ അ​താ​ത് സ്കൂ​ളി​ൽ നി​യ​മി​ത​രാ​യി​രി​ക്കു​ന്ന ഗോ​ത്ര​ബ​ന്ധു അ​ധ്യാ​പ​ക​ർ ഉൗ​രി​ലെ​ത്തി അ​ന്വേ​ഷി​ക്കും. രാ​വി​ലെ 9.30ന് ​കു​ടി​ക​ളി​ലെ കു​ട്ടി​ക​ളെ​ല്ലാം ക്ലാ​സി​ൽ എ​ത്തി​യ​താ​യി മെ​ന്‍റ​ർ ഉ​റ​പ്പു വ​രു​ത്തും. ര​ണ്ടു ദി​വ​സം തു​ട​രെ ക്ലാ​സി​ൽ എ​ത്തി​യി​ട്ടി​ല്ലെ​ങ്കി​ൽ ടീ​ച്ച​ർ വീ​ട്ടി​ലെ​ത്തി കാ​ര​ണം തി​ര​ക്കും. രോ​ഗ​ബാ​ധി​ത​രെ​ങ്കി​ൽ ചി​കി​ത്സ ഉ​റ​പ്പാ​ക്കും. കു​ടി​യി​ൽ ഭ​ക്ഷ​ണ​മി​ല്ലെ​ങ്കി​ൽ റേ​ഷ​ൻ മു​ട​ങ്ങി​യ​തി​ന്‍റെ കാ​ര​ണം തി​ര​ക്കും. ഓ​രോ കു​ട്ടി​യെ​യും സം​ബ​ന്ധി​ക്കു​ന്ന ര​ജി​സ്റ്റ​റി​ൽ ഉൗ​രി​ന്‍റെ പേ​രും വി​ലാ​സ​വും മാ​ത്ര​മ​ല്ല കു​ട്ടി​യു​ടെ പ്രാ​യം, ആ​രോ​ഗ്യ​നി​ല​വാ​രം എ​ന്നി​വ​യും രേ​ഖ​പ്പെ​ടു​ത്തി​യി​ട്ടു​ണ്ട്. ടീ​ച്ചിം​ഗ് മാ​ന്വ​ൽ, ഹെ​ൽ​ത്ത് കാ​ർ​ഡ് എ​ന്നി​വ​യും ഗോ​ത്ര അ​ധ്യാ​പ​ക​രു​ടെ കൈ​വ​ശ​മു​ണ്ടാ​കും.

ആ​ദി​വാ​സി കു​ട്ടി​ക​ളു​ടെ ശാ​രീ​രി​ക​വും ബൗ​ദ്ധി​ക​വും മാ​ന​സി​ക​വു​മാ​യ എ​ല്ലാ കാ​ര്യ​ങ്ങ​ളി​ലും സ​ഹാ​യി​ക്കാ​ൻ ആ​ദി​വാ​സി അ​ധ്യാ​പ​ക​ർ ഒ​പ്പ​മി​രി​ക്കും. വ​സ്ത്രം, ശു​ചി​ത്വം, ആ​രോ​ഗ്യം തു​ട​ങ്ങി​യ​വ​യി​ൽ ഗോ​ത്ര​വാ​സി കു​രു​ന്നു​ക​ൾ ഏ​റെ മെ​ച്ച​പ്പെ​ട്ടി​രി​ക്കു​ന്നു. പ​ട്ടി​ക​വ​ർ​ഗ്ഗ വി​ക​സ​ന വ​കു​പ്പ്, എ​സ്.​എ​സ്.​എ, ഡ​യ​റ്റ്, വി​ദ്യാ​ഭ്യാ​സ​വ​കു​പ്പ് എ​ന്നി​വ​യു​ടെ നി​യ​ന്ത്ര​ണ​ത്തി​ലാ​ണ് വ​യ​നാ​ട് ജി​ല്ല​യി​ലെ ഗോ​ത്ര​ബ​ന്ധു പ​ദ്ധ​തി.

അ​ന്യ​ഭാ​ഷ​യി​ൽ പ്രാ​ഥ​മി​ക വി​ദ്യ അ​ഭ്യ​സി​ക്കേ​ണ്ടി​വ​രു​ന്ന​താ​ണ് ആ​ദി​വാ​സി കു​ട്ടി​ക​ളു​ടെ കൊ​ഴി​ഞ്ഞു​പോ​ക്കി​ന് കാ​ര​ണ​മെ​ന്ന തി​രി​ച്ച​റി​വാ​ണ് മെ​ന്‍റ​ർ നി​യ​മ​ന​ത്തി​ന് കാ​ര​ണ​മാ​യ​ത്. ഓ​രോ പാ​ഠ​വും ആ​ദി​വാ​സി ഭാ​ഷ​യി​ൽ പ​ഠി​പ്പി​ക്കാ​ൻ ക്ലാ​സ് അ​ധ്യാ​പ​ക​രെ ഇ​വ​ർ സ​ഹാ​യി​ക്കു​ന്നു. ഇ​ത്ത​ര​ത്തി​ൽ ര​ണ്ട് അ​ധ്യാ​പ​ക​രും ചേ​ർ​ന്നാ​ണ് ഒ​ന്നാം ക്ലാ​സി​ൽ പ​ഠി​പ്പി​ക്കു​ന്ന​ത്. കു​റു​മ വി​ഭാ​ഗ​ത്തി​ലെ- 88, പ​ണി​യ - 54, കു​റി​ച്യ- 46, കാ​ട്ടു​നാ​യ്ക്ക - 24, അ​ടി​യ- 18, ഉൗ​രാ​ളി കു​റു​മ - ഏ​ഴ്, ത​ച്ച​നാ​ട​ൻ മൂ​പ്പ​ൻ വി​ഭാ​ഗ​ത്തി​ൽ നി​ന്നും മൂ​ന്ന്, ക​രി​ന്പാ​ല​ൻ ഒ​ന്ന് എ​ന്നി​ങ്ങ​നെ​യാ​ണ് അ​ധ്യാ​പ​ക നി​യ​മ​നം ന​ൽ​കി​യി​രി​ക്കു​ന്ന​ത്. 750 രൂ​പ​യാ​ണ് പ്ര​തി​ദി​ന വേ​ത​നം. മാ​സം ഇ​രു​പ​തി​നാ​യി​ര​ത്തി​ലേ​റെ രൂ​പ വ​രു​മാ​നം ആ​ദി​വാ​സി​ക​ളാ​യ ഈ ​അ​ധ്യാ​പ​ക​ർ​ക്കു​ണ്ട്. പ്ര​ാക്ത​ന ഗോ​ത്ര​ക്കാ​രാ​യ അ​ധ്യാ​പ​ക​ർ ഇ​തേ വി​ഭാ​ഗ​ത്തി​ലെ കു​ട്ടി​ക​ൾ​ക്ക് അ​വ​ർ​ക്ക് മ​ന​സി​ലാ​കും വി​ധം വി​ദ്യ പ​ക​ർ​ന്നു​കൊ​ടു​ക്കു​ന്നു. ജോ​ലി​യും വ​രു​മാ​ന​വു​മി​ല്ലാ​തെ തൊ​ഴി​ലു​റ​പ്പു​കൂ​ലി പ​ണി​ക്കു​വ​രെ പോ​യി​രു​ന്ന ആ​ദി​വാ​സി യു​വ​തീ യു​വാ​ക്ക​ൾ​ക്ക് തൊ​ഴി​ലും വ​രു​മാ​ന​വും ല​ഭ്യ​മാ​ക്കാ​നും ജീ​വി​ത നി​ല​വാ​രം ഉ​യ​ർ​ത്താ​നും ഗോ​ത്ര​ബ​ബ​ന്ധു പ​ദ്ധ​തി ക​രു​ത്തു​പ​ക​രു​ന്നു.

കു​ട്ടി​ക​ളി​ൽ സ​മ​ഗ്ര​മാ​റ്റം

അ​ന്പ​ല​വ​യ​ൽ ചി​ങ്ങ​വ​ല്ലം ഗ​വ.​എ​ൽ​പി​എ​സി​ലെ ഗോ​ത്ര​ബ​ന്ധു മെ​ന്‍റ​റാ​ണ് ബ​ബി​ത പി.​ആ​ർ. ഗോ​ത്ര​വാ​സി കു​ഞ്ഞു​ങ്ങ​ൾ​ക്കൊ​പ്പ​മു​ള്ള അ​നു​ഭ​വ​ങ്ങ​ൾ വി​ല​യി​രു​ത്തി കു​ട്ടി​ക​ളി​ലു​ണ്ടാ​യ മാ​റ്റം ബ​ബി​ത പ​റ​യു​ന്നു. ’ മു​ൻ​പ് ഏ​റെ ഭ​യാ​ശ​ങ്ക​യോ​ടെ​യാ​ണ് ഉൗ​രു​ക​ളി​ലെ കു​ട്ടി​ക​ൾ ക്ലാ​സി​ൽ വ​ന്നി​രു​ന്ന​ത്. പ​ല​പ്പോ​ഴും സ്വ​ന്തം കു​ടി​യി​ലെ കു​ട്ടി​ക​ൾ ഒ​രു​മി​ച്ചേ ക്ലാ​സി​ലെ​ത്താ​റു​ണ്ടാ​യി​രു​ന്നു​ള്ളു. ഉൗ​രു​ക​ളി​ലെ കു​ട്ടി​ക​ൾ മ​റ്റു കു​ട്ടി​ക​ളോ​ട് ഇ​ട​പ​ഴകി​യി​രു​ന്നി​ല്ല. പ​ല​ർ​ക്കും പാ​ഠ​പു​സ്ത​ക​ത്തി​ലെ ഭാ​ഷ അ​പ​രി​ചി​ത​മാ​യി​രു​ന്നു. ആ​ദി​വാ​സി വി​ഭാ​ഗ​ങ്ങ​ളി​ൽ​നി​ന്നു​ള്ള അ​ധ്യാ​പ​ക​ർ വ​ന്ന​തോ​ടെ ഏ​റെ സ​ന്തോ​ഷ​ത്തോ​ടെ​യാ​ണ് കു​ട്ടി​ക​ൾ വ​രു​ന്ന​തും ആ​ശ​യ​വി​നി​മ​യം ന​ട​ത്തു​ന്ന​തും.
അ​പ​ക​ർ​ഷ​ത​യോ ആ​ശ​ങ്ക​യോ​ടെ ഇ​വ​രി​ൽ കാ​ണാ​നി​ല്ല. പ​ഠ​ന​ത്തി​ലും പാ​ട്ടി​ലും ഇ​വ​ർ നാ​ട്ടു​കാ​രാ​യ കു​ട്ടി​ക​ൾ​ക്കൊ​പ്പം മി​ക​വു പു​ല​ർ​ത്തു​ക​യും ചെ​യ്യു​ന്നു. പ​ടം വ​ര​യ്ക്കാ​നും നൃ​ത്തം ചെ​യ്യാ​നും ക​ഴി​വു​ള്ള​വ​ർ പ​ല​രു​ണ്ട്. ആ​ദ്യ​മൊ​ക്കെ മെ​ന്‍റ​ർ അ​ധ്യാ​പ​ക​ർ ഉൗ​രു​സ​ന്ദ​ർ​ശ​ന​ത്തി​ന് എ​ത്തു​ന്പോ​ൾ ഈ ​കു​ട്ടി​ക​ൾ ഓ​ടി​മാ​റു​ക​യും ഒ​ളി​ച്ചി​രി​ക്കു​ക​യും ചെ​യ്യു​ക പ​തി​വാ​യി​രു​ന്നു.

പ​ല​രും ക്ലാ​സി​ൽ പാ​ഠ​പു​സ്ത​കം കൃ​ത്യ​മാ​യി കൊ​ണ്ടു​വ​രി​ല്ല. ഹോം ​വ​ർ​ക്കി​ലും കൃ​ത്യ​ത​യു​ണ്ടാ​യി​രു​ന്നി​ല്ല. പു​സ്ത​ക​ങ്ങ​ൾ ടൈം ​ടേ​ബി​ൾ പ്ര​കാ​രം തി​രി​ച്ച​റി​യാ​ൻ​പോ​ലും അ​റി​വി​ല്ലാ​യി​രു​ന്നു. പു​റം​ച​ട്ട​യു​ടെ നി​റ​വും അ​ട​യാ​ള​വും നോ​ക്കി പു​സ്ത​കം തി​രി​ച്ച​റി​ഞ്ഞി​രു​ന്ന​വ​രാ​യി​രു​ന്നു പ​ല​രും. പാ​ഠ​പു​സ്ത​ക​ങ്ങ​ളും നോ​ട്ട്ബു​ക്കു​ക​ളും ക്ലാ​സി​ൽ പ​തി​വാ​യി മ​റ​ന്നു​വ​യ്ക്കും. പു​സ്ത​ക​ങ്ങ​ളി​ല്ലാ​തെ സ്കൂ​ളി​ൽ വ​രും. മെ​ന്‍റ​ർ ടീ​ച്ച​ർ വ​ന്ന​തോ​ടെ കു​രു​ന്നു​ക​ളു​ടെ പ​ഠ​ന​ത്തി​ന് ചി​ട്ട​യും ക്ര​മ​വു​മു​ണ്ടാ​യി. ഹോം ​വ​ർ​ക്കു​ക​ൾ കൃ​ത്യ​മാ​യി ചെ​യ്യും. കു​ളി​ച്ച് വ​സ്ത്രം അ​ല​ക്കി ഉ​ണ​ക്കി​യേ ക്ലാ​സി​ലെ​ത്തൂ. ശു​ചി​ത്വ​കാ​ര്യ​ങ്ങ​ളി​ൽ ശ്ര​ദ്ധ വ​ന്ന​തോ​ടെ രോ​ഗ​ങ്ങ​ൾ അ​വ​രി​ൽ ന​ന്നേ കു​റ​ഞ്ഞു. പാ​ട്ടും ആ​ട്ട​വും ക​ളി​ക​ളു​മൊ​ക്കെ​യാ​യി പ​ഠ​നം ആ​സ്വ​ദി​ക്കു​ന്ന​വ​രാ​ണ് ആ​ദി​വാ​സി കു​ട്ടി​ക​ളെ​ന്ന​താ​ണ് ബ​ബി​ത​യു​ടെ അ​നു​ഭ​വം.

അ​ടി​യ​ർ, പ​ണി​യ​ർ, ഉൗ​രാ​ളി, കാ​ട്ടു​നാ​യ്ക്ക​ർ, ത​ച്ച​നാ​ട് മൂ​പ്പ​ൻ തു​ട​ങ്ങി​യ വി​ഭാ​ഗ​ങ്ങ​ൾ ജീ​വി​ത​നി​ല​വാ​ര​ത്തി​ൽ പി​ന്നോ​ക്ക​മാ​ണ്. കാ​ടി​നു​ള്ളി​ലും മ​ല​ക​ളി​ലു​മാ​ണ് പാ​ർ​പ്പ്. ചി​ല വി​ഭാ​ഗ​ങ്ങ​ൾ കാ​ടി​നു​ള്ളി​ലെ നാ​ടോ​ടി​ക​ളും. താ​മ​സം മ​റ്റൊ​രി​ട​ത്തേ​ക്ക് മാ​റി​യാ​ൽ പ​ഴ​യ സ്കൂ​ളി​ലേ​ക്കു​ള്ള വ​ര​വ് നി​ല​യ്ക്കും. മ​ഴ ക​ന​ത്താ​ൽ ഇ​വ​ർ കൂ​ര​ക​ളു​ടെ പു​റ​ത്തേ​ക്ക് ഇ​റ​ങ്ങി​ല്ല. തോ​ടും പു​ഴ​യും ക​വി​ഞ്ഞൊ​ഴു​കു​ന്ന മ​ഴ​ക്കാ​ല​ത്ത് പ​ട്ടി​ണി.

റേ​ഷ​ൻ വാ​ങ്ങാ​തെ കൂ​ര​ക​ളി​ൽ ക​ഴി​യു​ന്ന​വ​രാ​ണ് പ​ല​രും. ഈ ​സാ​ഹ​ച​ര്യ​ത്തി​ൽ കു​ട്ടി​ക​ൾ ക​ടു​ത്ത ദാ​രി​ദ്ര്യത്തി​ലാ​യി​ക്കും. ആ​ദി​വാ​സി മേ​ഖ​ല​യി​ലെ സ്കൂ​ളു​ക​ളി​ൽ റ​സി​ഡ​ൻ​ഷ്യ​ൽ ഹോ​സ്റ്റ​ലു​ക​ളും അ​നി​വാ​ര്യ​മാ​ണ്. ഇ​തി​ന്‍റെ ചു​മ​ത​ല​യും ആ​ദി​വാ​സി മെ​ന്‍റ​ർ​മാ​രെ ഏ​ൽ​പ്പി​ക്ക​ണം- ഒ​ഴ​ക്കോ​ടി എ​ൻ​എ​ൽ എ​ൽ​പി​എ​സി​ലെ ശ്രി​ജി​ല അ​ഭി​പ്രാ​യ​പ്പെ​ട്ടു.

വ​ന​ത്തി​നു​ള്ളി​ലാ​ണ് വ​യ​നാ​ട്ടി​ലെ ഏ​റെ ട്രൈ​ബ​ൽ സ്കൂ​ളു​ക​ളും. തോ​ൽ​പ്പെ​ട്ടി, എ​ട​ത്ത​ന, വാ​ളാ​ട്, പാ​വ​ലി, തി​രു​നെ​ല്ലി, മ​ര​ക്ക​ട​വ്, അ​ന്പ, പാ​ക്കം സ്കൂ​ളു​ക​ൾ വ​ന​ത്തോ​ടു ചേ​ർ​ന്നു ത​ന്നെ. ആ​ന​യും കാ​ട്ടു​പോ​ത്തും മാ​നും കു​ര​ങ്ങും ക​യ​റി​യി​റ​ങ്ങു​ന്ന പ്ര​ദേ​ശം. ഇ​വി​ടെ​യാ​ണ് ആ​ദി​വാ​സി കു​ട്ടി​ക​ളെ ഗോ​ത്ര​ബ​ന്ധു അ​ധ്യാ​പ​ക​ർ നാ​ടി​ന്‍റെ മു​ത്തു​ക​ളാ​ക്കി മാ​റ്റാ​ൻ സാ​ക്ഷ​ര​ത പ​ക​ർ​ന്നു​ന​ൽ​കു​ന്ന​ത്.
(തുടരും)