കോട്ടയം: ഇരട്ടപ്പാതയുടെ ഭാഗമായി നിർമിക്കുന്ന റെയിൽവേ ട്രാക്കിലേക്കു മണ്ണിടിഞ്ഞു. കോട്ടയം റബർ ബോർഡ് ഭാഗത്ത് ഇന്നലെ പുലർച്ചെ 5.30നാണ് മണ്ണിടിഞ്ഞത്. കനത്തമഴയിൽ മണ്ണ് കുതിർന്ന ഇടിഞ്ഞു വീഴുകയായിരുന്നു. ഇവിടെ നിർമിച്ചിരുന്ന കോണ്ക്രീറ്റ് സംരക്ഷണഭിത്തിയും തകർന്നു. ടണലിന് പകരമായി പുതിയതായി സ്ഥാപിച്ച ട്രാക്കിലേക്കാണ് മണ്ണിടിഞ്ഞു വീണത്. പാളത്തിലേക്കും മണ്ണും പതിച്ചു. രാവിലെയോടെ ജെസിബി ഉപയോഗിച്ച് മണ്ണ് നീക്കുകയും ചെയ്തു.