തൊ​ഴി​ലാ​ളി മു​ത​ല്‍ ഏ​ഷ്യ​ന്‍ ഗെ​യിം​സ് മെ​ഡ​ല്‍ ജേ​താ​വ്‌വരെ; രാം ​ബാ​ബുവിന്‍റെ പ്ര​ചോ​ദ​നാ​ത്മ​ക​മാ​യ ജീവിതം

ഏ​ഷ്യ​ന്‍​ ഗെ​യിം​സ് മ​ത്‌​സ​ര​ങ്ങ​ള്‍ ചൈ​ന​യി​ലെ ഹാം​ഗ്ഝൗ​വി​ല്‍ പു​രോ​ഗ​മി​ക്കു​ക​യാ​ണ​ല്ലൊ. നി​ല​വി​ല്‍ നാ​ലാം സ്ഥാ​ന​ത്താ​ണ് മെ​ഡ​ല്‍​പ​ട്ടി​ക​യി​ല്‍ ന​മ്മു​ടെ രാ​ജ്യം. ഇ​ന്ത്യ​യു​ടെ നി​ര​വ​ധി താ​ര​ങ്ങ​ള്‍ അ​ഭി​മാ​നാ​ര്‍​ഹ​മാ​യ നേ​ട്ട​ങ്ങ​ളാ​ണ് ഓ​രോ​ദി​ന​വും സ്വ​ന്ത​മാ​ക്കു​ന്ന​ത്.​

ഈ ​അ​വ​സ​ര​ത്തിൽ മാ​ധ്യ​മ​ങ്ങ​ളും സ​മൂ​ഹ മാ​ധ്യ​മ​ങ്ങ​ളും അ​വ​രെ വാ​ഴ്ത്തി​പാ​ടു​ക​യാ​ണ്. എ​ന്നാ​ല്‍ ട്രാ​ക്കി​നും ക​ള​ത്തി​നും ഒ​ക്കെ പു​റ​ത്ത് ഏ​റെ ക്ലേ​ശ​ങ്ങ​ളു​ടെയും നി​ശ്ച​യ​ദാ​ര്‍​ഢ്യ​ത്തി​ന്‍റേയും ഒ​ക്കെ നി​ര​വ​ധി ക​ഥ​ക​ള്‍ ഇ​വ​ര്‍​ക്കു​ണ്ടെന്നതാണ് വാസ്തവം.

അ​ത്ത​ര​ത്തി​ല്‍ ഉ​ള്ള ഒ​രു കാ​യി​ക​താ​ര​ത്തിന്‍റെ കാ​ര്യം ക​ഴി​ഞ്ഞി​ടെ ഐ​എ​ഫ്എ​സ് ഓ​ഫീ​സ​ര്‍ പ​ര്‍​വീ​ണ്‍ ക​സ്വാ​ന്‍ എ​ക്‌​സി​ല്‍ കു​റി​ച്ചി​രു​ന്നു. റാം ​ബാ​ബു എ​ന്നാ​ണ് ഈ ​താ​ര​ത്തി​ന്‍റെ പേ​ര്. ഇ​ത്ത​വ​ണ​ത്തെ ഏ​ഷ്യ​ന്‍​ഗെ​യിം​സി​ല്‍ മെ​ഡ​ല്‍ പ്ര​ഖ്യാ​പ​ന​വേ​ള​യി​ല്‍ മു​ഴ​ങ്ങി​ക്കേ​ട്ട ഒ​രു പേ​രാ​ണ​ത്.

35 കി​ലോ​മീ​റ്റ​ര്‍ റേ​സ് വാ​ക്ക് മി​ക്‌​സ​ഡ് ടീ​മി​ല്‍ റാം ​വെ​ങ്ക​ലം നേ​ടി​യി​രു​ന്നു. അ​ഞ്ച് മ​ണി​ക്കൂ​റും 51 മി​നി​റ്റും 14 സെ​ക്ക​ന്‍​ഡും കൊ​ണ്ടാ​ണ് അ​ദ്ദേ​ഹം ഈ ​നേ​ട്ട​ത്തി​ല്‍ എ​ത്തി​യ​ത്. എ​ന്നാ​ല്‍ അ​വി​ശ്വ​സ​നീ​യ​മാ​യ ഒ​രു ജീ​വി​ത​ക​ഥ ഇ​ദ്ദേ​ഹ​ത്തി​നു​ണ്ട്. കൃ​ത്യ​മാ​യി പ​റ​ഞ്ഞാ​ല്‍ പ്ര​ചോ​ദ​നാ​ത്മ​ക​മാ​യ ജീ​വി​ത​ക​ഥ.

ഉ​ത്ത​ര്‍​പ്ര​ദേ​ശി​ലെ ബ​ഹു​ര എ​ന്ന സാ​ധാ​ര​ണ ഗ്രാ​മ​ത്തി​ല്‍ നി​ന്നു​ള്ള ആ​ളാ​ണ് റാം. ​ഒ​രു അ​ത്‌​ല​റ്റാ​യി മാ​റു​ക എ​ന്ന​താ​യി​രു​ന്നു അ​ദ്ദേ​ഹ​ത്തി​ന്‍റെ സ്വ​പ്നം. അ​തി​നു​കാ​ര​ണം 2012 ല​ണ്ട​ന്‍ ഒ​ളി​മ്പി​ക്സ് ആ​യി​രു​ന്നു.

ഈ ​ഒ​ളി​മ്പി​ക്സി​ല്‍ ഇ​ന്ത്യ ര​ണ്ട് വെ​ള്ളി​യും നാ​ല് വെ​ങ്ക​ല​വും നേ​ടി​യി​രു​ന്നു. ഈ ​വി​ജ​യം ബാ​ബുവിനെ വ​ല്ലാ​തെ സ്വാ​ധീ​നി​ച്ചു. ത​നി​ക്കു​മൊ​രു കാ​യി​ക​താ​രം ആ​ക​ണ​മെ​ന്ന മോ​ഹം അ​ങ്ങ​നെ​യാ​ണ് അ​ദ്ദേ​ഹ​ത്തി​ല്‍ ഉ​ട​ലെ​ടു​ത്ത​ത്.

ഒ​രു മാ​ര​ത്ത​ണ്‍ ഓ​ട്ട​ക്കാ​ര​നാ​കാ​നു​ള്ള അ​ഭി​ലാ​ഷ​മാ​ണ് ആ​ദ്യം റാം ​ബാ​ബു​വി​ല്‍ ഉ​ണ്ടാ​യ​ത്. ഇ​തി​നാ​യി ഇ​ദ്ദേ​ഹം വാ​ര​ണ​സി​യി​ലേ​ക്ക് പോ​യി. അ​വി​ടെ ത​ന്‍റെ ചെ​ല​വി​നും പ​രി​ശീ​ല​ന​ത്തി​ന​മാ​യി പ​ണം ക​ണ്ടെ​ത്താ​ന്‍ നി​ര​വ​ധി ജോ​ലി​ക​ള്‍ ചെ​യ്തു.

ഹോ​ട്ട​ലി​ല്‍ വെ​യി​റ്റ​റാ​യി ജോ​ലി ചെ​യ്യു​ക​യും കൊ​റി​യ​ര്‍ പാ​ക്കേ​ജിം​ഗ് റോ​ളി​ല്‍ ച​ണ ബാ​ഗു​ക​ള്‍ ഉ​ണ്ടാ​ക്കു​ക​യും ഒ​ക്കെ ചെ​യ്തു. പി​താ​വി​നൊ​പ്പം കൂ​ലി​പ്പ​ണി​യും കൃ​ഷി​പ്പ​ണി​യു​മൊ​ക്കെ ചെ​യ്തി​രു​ന്നു ബാ​ബു.

കോ​വി​ഡ് സ​മ​യ​ത്ത് കു​ടും​ബ​ത്തെ പോ​റ്റാ​ന്‍ 300 രൂ​പ ദി​വ​സ​ക്കൂ​ലി​ക്ക് അ​ദ്ദേ​ഹം ജോ​ലിചെ​യ്തു. എ​ന്നാ​ല്‍ ഇ​തി​നി​ട​യി​ലൊ​ക്കെ ത​ന്‍റെ ആ​ഗ്ര​ഹ​ത്തി​നാ​യി പ​രി​ശ്ര​മി​ക്കാ​ന്‍ അ​ദ്ദേ​ഹം ഒ​ട്ടും മ​ടികാ​ട്ടി​യി​ല്ല.

അ​തി​രാ​വി​ലെ നാ​ലി​ന് ഉ​ണ​ര്‍​ന്ന് എ​ട്ടു​വ​രെ അ​ദ്ദേ​ഹം ഓ​ടി​യി​രു​ന്നു. അ​തും 200മീ​റ്റ​റി​ന്‍റെ ​ഒ​രു ട്രാ​ക്കി​ല്‍ തു​ട​ര്‍​ച്ച​യാ​യി. ഇ​തി​നു​ശേ​ഷ​മാ​യി​രു​ന്നു വെ​യ്റ്റ​ര്‍ ജോ​ലി​ക്കാ​യി പോ​കു​ന്ന​ത്.

സ്ഥി​രോ​ത്സാ​ഹ​ത്തി​ന് എ​ന്തു​ചെ​യ്യാ​ന്‍ ക​ഴി​യും എ​ന്ന​തി​ന്‍റെ ഓ​ര്‍​മ​പ്പെ​ടു​ത്ത​ലാ​ണ് 24 വ​യ​സു​കാ​ര​നാ​യ റാം ​ബാ​ബു. 2022-ല്‍ ​ഗു​ജ​റാ​ത്തി​ലെ ഐ​ഐ​ടി ഗാ​ന്ധി​ന​ഗ​ര്‍ അ​ത്‌ല​റ്റി​ക് ട്രാ​ക്കി​ല്‍ ര​ണ്ടു​മ​ണി​ക്കൂ​ര്‍ 36 മി​നി​റ്റ് 34 സെ​ക്ക​ന്‍​ഡി​ന്‍റെ ശ്ര​ദ്ധേ​യ​മാ​യ പു​തി​യ ദേ​ശീ​യ റി​ക്കാ​ര്‍​ഡ് നേ​ടി​യ​തോ​ടെ​യാ​ണ് അ​ദ്ദേ​ഹം ശ്ര​ദ്ധി​ക്കെ​പ്പ​ട്ട​ത്.

പി​ന്നാ​ലെ അ​ദ്ദേ​ഹം ഏ​ഷ്യ​ന്‍ ഗെ​യിം​സി​ലും എ​ത്ത​പ്പെ​ട്ടു. 35 കി​ലോ​മീ​റ്റ​ര്‍ റേ​സ് വാ​ക്ക് മി​ക്സ​ഡ് ടീം ​ഇ​ന​ത്തി​ല്‍ മ​ഞ്ജു റാ​ണി​ക്കൊ​പ്പം അ​ദ്ദേ​ഹം വെ​ങ്ക​ലം നേ​ടു​മ്പോ​ള്‍ അ​ത് വ​ലി​യൊ​രു സ​ന്ദേ​ശം കൂ​ടി​യാ​ണ്.

ത​ങ്ങ​ളു​ടെ സ്വ​പ്നം പി​ന്തു​ട​രു​ന്ന എ​ല്ലാ​വ​ര്‍​ക്കും വ​ലി​യ പ്രചോ​ദ​നം​കൂ​ടി​യാ​ണ് ആ ​നേ​ട്ടം. ഇ​നി​യും അ​ധി​ക​ദൂ​ര​ങ്ങ​ള്‍ താ​ണ്ടി രാ​ജ്യ​ത്തി​ന് അ​ഭി​മാ​നാ​മാ​കാ​ന്‍ അ​ദ്ദേ​ഹ​ത്തി​ന് ക​ഴി​യ​ട്ടെ...

He is Ram Baboo, who once worked as MGNREGS labour and waiter. Today he won bronze medal in #AsianGames in the 35km race walk mixed team. Talk about determination and grit. pic.twitter.com/HFB6s8AUZj

— Parveen Kaswan, IFS (@ParveenKaswan) October 4, 2023