കോട്ടയം: കോവിഡ് പ്രതിസന്ധിയിൽ ബുദ്ധിമുട്ടനുഭവിക്കുന്ന കുടുംബങ്ങൾക്കു കരുതലൊരുക്കി മാതൃകയാകുകയാണു കോട്ടയം സോഷ്യൽ സർവീസ് സൊസൈറ്റിയുടെ നേതൃത്വത്തിലുള്ള അറുന്നൂറ്റിമംഗലം കൃപ കർഷക കൂട്ടായ്മയിലെ അംഗങ്ങൾ. കോവിഡ് രോഗബാധിതരുള്ള വീടുകളിലും ലോക്ഡൗണ് മൂലം തൊഴിലില്ലാതെ ബുദ്ധിമുട്ടനുഭവിക്കുന്ന കുടുംബങ്ങൾക്കും കർഷക കൂട്ടായ്മയുടെ നേതൃത്വത്തിൽ ഭക്ഷ്യക്കിറ്റുകൾ ലഭ്യമാക്കിയാണ് കരുതലൊരുക്കിയത്.
കിറ്റുകളുടെ വിതരണോദ്ഘാടനം മോൻസ് ജോസഫ് എംഎൽഎ നിർവഹിച്ചു. മുളക്കുളം പഞ്ചായത്ത് ഒന്പതാം വാർഡ് മെന്പർ മേരിക്കുട്ടി ലൂക്കാ, കർഷക കൂട്ടായ്മ പ്രസിഡന്റ് ജോയി മുണ്ടക്കപ്പറന്പിൽ, കർഷക കൂട്ടായ്മ ലീഡർ രമണൻ കോലത്ത്കട്ടേൽ, ആനിമേറ്റർ കുഞ്ഞുമോൾ തോമസ് എന്നിവർ സന്നിഹിതരായിരുന്നു.
കിറ്റുകളുടെ വിതരണോദ്ഘാടനം മോൻസ് ജോസഫ് എംഎൽഎ നിർവഹിച്ചു. മുളക്കുളം പഞ്ചായത്ത് ഒന്പതാം വാർഡ് മെന്പർ മേരിക്കുട്ടി ലൂക്കാ, കർഷക കൂട്ടായ്മ പ്രസിഡന്റ് ജോയി മുണ്ടക്കപ്പറന്പിൽ, കർഷക കൂട്ടായ്മ ലീഡർ രമണൻ കോലത്ത്കട്ടേൽ, ആനിമേറ്റർ കുഞ്ഞുമോൾ തോമസ് എന്നിവർ സന്നിഹിതരായിരുന്നു.
