അന്പൂരി: ഇന്നലെ പെയ്ത കനത്ത മഴയിൽ വീടിനു മുകളിലേക്ക് മണ്ണിടിഞ്ഞുവീണു. അന്പൂരി മായം ഞവരക്കാട്ട് തടത്തരികത്ത് വീട്ടിൽ ബേബിയുടെ വീട്ടിലേക്കാണ് മണ്ണിടിഞ്ഞു വീണത്. കഴിഞ്ഞ ദിവസം രാത്രി ഒന്പതിനുണ്ടായ അപകടത്തിൽ വീടിന്റെ പല ഭാഗങ്ങളിലും വിള്ളൽ വീണു.
മണ്ണിടിഞ്ഞുവീണപ്പോൾ ബേബിയും ഭാര്യ സ്റ്റെല്ല, മക്കളായ ബൈജു, ഷൈജു, ഷൈനി എന്നിവരും ഷൈനിയുടെ അഞ്ചുമാസം പ്രായമുള്ള കൈക്കുഞ്ഞും വീട്ടിലുണ്ടായിരുന്നു. ഇവരെ സമീപത്തുള്ള വീട്ടിലേക്ക് മാറ്റി. ആറുമാസം മുന്പ് പണിത വീടാണ് തകർന്നത്. സ്ഥലം എംഎൽഎയും റവന്യൂ അധികൃതരും സ്ഥലം സന്ദർശിച്ചു വേണ്ട നിർദേശങ്ങൾ നൽകി. കുരിശുമല ഭാഗവും മണ്ണിടിച്ചിൽ ഭീഷണിയിലാണ്.
വീട്ടിലേക്ക് മണ്ണിടിഞ്ഞു വീണു
12:25 AM May 24, 2021 | Deepika.com