കോടഞ്ചേരി: കൈതപ്പൊയിൽ അഗസ്ത്യൻമുഴി റോഡിലെ പ്രവൃത്തി പുരോഗതി എംഎൽഎ ലിന്റോ ജോസഫ് സന്ദർശിച്ച് വിലയിരുത്തി. കോടഞ്ചേരി മുറമ്പാത്തി ഭാഗത്ത് വളയത്തിൽ പടിയിലാണ് എംഎൽഎ സന്ദർശിച്ചത്. ഈ ഭാഗത്ത് തോടിനോട് ചേർന്ന് വളരെ ആഴത്തിൽ മണ്ണെടുത്ത് മാറ്റിയിട്ട് ആഴ്ചകളായി. 10 മീറ്ററോളം ഉയരത്തിൽ ഈ ഭാഗത്ത് കരിങ്കൽ ഭിത്തി കെട്ടി കയറേണ്ടതുണ്ട്. വളരെ സാവകാശമാണ് പ്രവർത്തികൾ നടക്കുന്നത്. ഭിത്തി കെട്ടുന്നതിന് മണ്ണെടുത്ത് മാറ്റിയത് സമീപത്തെ വീടിനും ഭീഷണിയായിട്ടുണ്ട്.
പൊതുജനങ്ങൾക്ക് ബുദ്ധിമുട്ട് ഉണ്ടാവാത്ത രീതിയിൽ പ്രവൃത്തി നടത്തുന്നതിനും ദ്രുതഗതിയിൽ പൂർത്തിയാക്കുന്നതിനും നടപടി സ്വീകരിക്കാൻ ബന്ധപ്പെട്ട ഉദ്യോഗസ്ഥർക്കും കരാറുകാരനും എംഎൽഎ നിർദേശം നൽകി.
കോടഞ്ചേരി പഞ്ചായത്ത് പ്രസിഡന്റ് അലക്സ് തോമസ്, വൈസ് പ്രസിഡന്റ് ലിസി ചാക്കോ എന്നിവരും സ്ഥലത്തെത്തി. കോടഞ്ചേരി പഞ്ചായത്തിലെ പോത്തുണ്ടി പാലത്തിന്റെ നിർമാണ പ്രവർത്തികളും എംഎൽഎ സന്ദർശിച്ച് വിലയിരുത്തി.
കൈതപ്പൊയിൽ- അഗസ്ത്യൻമുഴി റോഡ് പ്രവൃത്തി നിയുക്ത എംഎൽഎ ലിന്റോ ജോസഫ് വിലയിരുത്തി
11:47 PM May 21, 2021 | Deepika.com