കർഷകർക്ക് ആശ്വാസമായി പൂഞ്ഞാര് കാര്ഷിക വിപണി
09:58 PM May 19, 2021 | Deepika.com
പൂഞ്ഞാർ: ലോക്ക് ഡൗണ് കാലത്ത് സാമ്പത്തിക ബുദ്ധിമുട്ട് അനുഭവിക്കുന്ന കര്ഷകര്ക്കായി പി.സി. ജോര്ജ് ആരംഭിച്ച പൂഞ്ഞാര് കാര്ഷിക വിപണി കര്ഷകര്ക്ക് ആശ്വാസമാകുന്നു. 2020 ലോക്ക് ഡൗണ് കാലത്ത് ആരംഭിച്ച പൂഞ്ഞാര് കാര്ഷിക വിപണിയില് ഇന്ന് ഇരുപതിനായിരം അംഗങ്ങളായി. കര്ഷകര് ഉത്പാദിപ്പിക്കുന്ന കാര്ഷിക ഉത്പന്നങ്ങള്, വളര്ത്തുമൃഗങ്ങൾ, മറ്റു മൂല്യവര്ധിത ഉത്പന്നങ്ങൾ എന്നിവയാണ് ഈ സൗജന്യ ഓണ്ലൈന് വിപണിയിലൂടെ വിറ്റഴിക്കാന് അവസരം ഒരുക്കിയിരിക്കുന്നത്. ഇതോടൊപ്പം തുടങ്ങിയ പാലാ, കാഞ്ഞിരപ്പള്ളി കാര്ഷിക വിപണികളും നല്ല രീതിയില് പ്രവര്ത്തിക്കുന്നു. ഇടനിലക്കാരില്ലാതെ കാര്ഷികോത്പന്നങ്ങള്ക്കു പരമാവധി വില ലഭ്യമാക്കുന്നതിനുള്ള സ്ഥിരം സംവിധാനം ഉണ്ടാക്കുകയാണു ലക്ഷ്യമെന്നും പി.സി. ജോര്ജ് പറഞ്ഞു.