ലോക്ഡൗണ് കാല കൃഷിക്കൊരു തയാറെടുപ്പ്: ഓണ്ലൈൻ പരിശീലന പരിപാടി തുടങ്ങി
10:43 PM May 17, 2021 | Deepika.com
കുമരകം: കുമരകത്ത് പ്രവർത്തിക്കുന്ന കോട്ടയം ജില്ലാ കൃഷി വിജ്ഞാന കേന്ദ്രം ലോക്ഡൗണ് കാല കൃഷിക്കൊരു തയാറെടുപ്പ് എന്ന ഓണ്ലൈൻ പരിശീലന പരിപാടി നടത്തും. ഉദ്ഘാടനം ഓണ്ലൈനായി കാർഷിക സർവകലാശാല വിജ്ഞാന വ്യാപനവിഭാഗം മേധാവി ഡോ. ജിജു പി. അലക്സ് നിർവഹിച്ചു. ഇന്നലെ ആരംഭിച്ച പരിശീലന പരിപാടി 28ന് സമാപിക്കും. ഈ ദിവസങ്ങളിൽ പഴം, പച്ചക്കറി ലഘു സംസ്കരണം, കശുമാവ് കൃഷി അറിയേണ്ടതെല്ലാം, വീട്ടുവളപ്പിലെ മത്സ്യകൃഷി, രോഗ കീടനിയന്ത്രണം പച്ചക്കറി വിളകളിൽ, കൂണ്കൃഷി, തെങ്ങ് കൃഷിയിലെ രോഗ കീടനിയന്ത്രണം, ആട് വളർത്തൽ അറിയേണ്ടതെല്ലാം, വീട്ടമ്മമാർക്ക് കൈത്താങ്ങായി തേനീച്ച വളർത്തൽ, കോട്ടയം ജില്ലയിലെ നെൽകൃഷി സാധ്യതകളും പ്രശ്നങ്ങളും, കരിമീൻ കൃഷി തുടങ്ങിയ വിഷയങ്ങളെ കുറിച്ച് ഒരോ ദിവസങ്ങളിലും ഓണ്ലൈൻ പരിശീലനം നൽകും. ദിവസം 2 മുതൽ 3 വരെയാണു പരിശീലനം. പരിശീലന പരിപാടിയുടെ വീഡിയോ കൃഷി വിജ്ഞാന കേന്ദ്രത്തിന്റെ KVK Kottayam എന്ന ഫെയ്സ് ബുക്ക് പേജിൽ ലഭ്യമാകും.