പാന്പാടി: കോവിഡ് വ്യാപനത്തെത്തുടർന്ന് ലോക്ക്ഡൗണിന് സമാനമായ നിയന്ത്രണങ്ങൾ വന്നതോടെ മേഖലയിൽ തിരക്ക് ഒഴിഞ്ഞു. അവശ്യവസ്തുക്കൾ വിൽക്കുന്ന കടകളുടെ സേവനം മാത്രമാണ് ലഭിക്കുന്നത്.
പാന്പാടി, കൂരോപ്പട പഞ്ചായത്തുകളിൽ ഒരാഴ്ച മുന്പാണ് നിരോധനാജ്ഞാ പുറപ്പെടുവിച്ചത്. ആവശ്യവസ്തുക്കൾ വിൽക്കുന്ന കടകളൊഴികെയുളള വ്യാപാരമേഖലകളെല്ലാം സ്തംഭനാവസ്ഥയിലാണ്. പാന്പാടിയിൽ കോവിഡ് ബാധിതരുടെ എണ്ണം കുറയുന്നത് നേരിയ ആശ്വാസമായി.
കോവിഡ് അധിക നിയന്ത്രണം ഏർപ്പെടുത്തിയതിനെത്തുടർന്ന് റോഡുകളിൽ പോലീസ് പരിശോധന കർശനമാക്കി. മണർകാട്, കിടങ്ങൂർ, അയർക്കുന്നം, പാന്പാടി, പള്ളിക്കത്തോട് പോലീസ് സ്റ്റേഷനുകളുടെ നേതൃത്വത്തിൽ വിവിധ കേന്ദ്രങ്ങളിൽ പരിശോധനയുണ്ട്. മതിയായ രേഖകൾ ഇല്ലാത്തവർക്കെതിരെ നിയമ നടപടി സ്വീകരിക്കുന്നുണ്ട്.
കൂരോപ്പട പഞ്ചായത്ത് 17-ാം വാർഡ് കോവിഡ് ജാഗ്രത സമിതിയുടെ ആവശ്യപ്രകാരം കോവിഡ് രോഗികൾക്ക് ഉപയോഗിക്കുന്നതിനായി രണ്ടു പൾസ് ഓക്സിമീറ്ററുകൾ കണ്ടൻകാവ് പബ്ലിക് ലൈബ്രറി ആരോഗ്യ വകുപ്പ് അധികൃതർക്ക് സമർപ്പിച്ചു.
സെന്റ് മേരീസ് യാക്കോബായ സുറിയാനി കത്തീഡ്രൽ പാരിഷ് ഹാളിലെ കോവിഡ് ചികിത്സകേന്ദ്രം നിറയുന്ന സാഹചര്യം മുന്നിൽക്കണ്ട് മണർകാട് പഞ്ചായത്തിന്റെ നേതൃത്വത്തിൽ ഒരു ഡൊമിസിലിയറി കേന്ദ്രംകൂടി ആരംഭിക്കാൻ നടപടികളായി. മാലം സെന്റ് മേരീസ് കോളജ് ഹോസ്റ്റലിൽ ഡൊമിസിലിയറി കേന്ദ്രം തുടങ്ങാനുള്ള പ്രാഥമിക നടപടികളാണ് ആരംഭിച്ചത്. നിലവിൽ 75 രോഗികൾ മണർകാട് പള്ളി പാരിഷ് ഹാളിൽ ചികിത്സയിൽ കഴിയുന്നു.
സർക്കാരിന്റെ ഓക്സിജൻ പാർലർ സംവിധാനവും ഇവിടെ ഒരുക്കിയിട്ടുണ്ട്.
പാന്പാടി, കൂരോപ്പട പഞ്ചായത്തുകളിൽ ഒരാഴ്ച മുന്പാണ് നിരോധനാജ്ഞാ പുറപ്പെടുവിച്ചത്. ആവശ്യവസ്തുക്കൾ വിൽക്കുന്ന കടകളൊഴികെയുളള വ്യാപാരമേഖലകളെല്ലാം സ്തംഭനാവസ്ഥയിലാണ്. പാന്പാടിയിൽ കോവിഡ് ബാധിതരുടെ എണ്ണം കുറയുന്നത് നേരിയ ആശ്വാസമായി.
കോവിഡ് അധിക നിയന്ത്രണം ഏർപ്പെടുത്തിയതിനെത്തുടർന്ന് റോഡുകളിൽ പോലീസ് പരിശോധന കർശനമാക്കി. മണർകാട്, കിടങ്ങൂർ, അയർക്കുന്നം, പാന്പാടി, പള്ളിക്കത്തോട് പോലീസ് സ്റ്റേഷനുകളുടെ നേതൃത്വത്തിൽ വിവിധ കേന്ദ്രങ്ങളിൽ പരിശോധനയുണ്ട്. മതിയായ രേഖകൾ ഇല്ലാത്തവർക്കെതിരെ നിയമ നടപടി സ്വീകരിക്കുന്നുണ്ട്.
കൂരോപ്പട പഞ്ചായത്ത് 17-ാം വാർഡ് കോവിഡ് ജാഗ്രത സമിതിയുടെ ആവശ്യപ്രകാരം കോവിഡ് രോഗികൾക്ക് ഉപയോഗിക്കുന്നതിനായി രണ്ടു പൾസ് ഓക്സിമീറ്ററുകൾ കണ്ടൻകാവ് പബ്ലിക് ലൈബ്രറി ആരോഗ്യ വകുപ്പ് അധികൃതർക്ക് സമർപ്പിച്ചു.
സെന്റ് മേരീസ് യാക്കോബായ സുറിയാനി കത്തീഡ്രൽ പാരിഷ് ഹാളിലെ കോവിഡ് ചികിത്സകേന്ദ്രം നിറയുന്ന സാഹചര്യം മുന്നിൽക്കണ്ട് മണർകാട് പഞ്ചായത്തിന്റെ നേതൃത്വത്തിൽ ഒരു ഡൊമിസിലിയറി കേന്ദ്രംകൂടി ആരംഭിക്കാൻ നടപടികളായി. മാലം സെന്റ് മേരീസ് കോളജ് ഹോസ്റ്റലിൽ ഡൊമിസിലിയറി കേന്ദ്രം തുടങ്ങാനുള്ള പ്രാഥമിക നടപടികളാണ് ആരംഭിച്ചത്. നിലവിൽ 75 രോഗികൾ മണർകാട് പള്ളി പാരിഷ് ഹാളിൽ ചികിത്സയിൽ കഴിയുന്നു.
സർക്കാരിന്റെ ഓക്സിജൻ പാർലർ സംവിധാനവും ഇവിടെ ഒരുക്കിയിട്ടുണ്ട്.
