വാഴൂർ: കോവിഡ് ബാധിച്ചു മരിച്ചയാളുടെ മൃതദേഹം സംസ്കരിക്കാൻ നേതൃത്വം നൽകി പഞ്ചായത്ത് പ്രസിഡന്റും അംഗങ്ങളും. വാഴൂർ പഞ്ചായത്ത് പ്രസിഡന്റ് വി.പി. റെജിയും അംഗങ്ങളായ ശ്രീകാന്ത് പി. തങ്കച്ചനും എസ്. അജിത് കുമാറുമാണ് പിപിഇ കിറ്റ് ധരിച്ച് സംസ്കാരത്തിന് നേതൃത്വം നൽകിയത്. പഞ്ചായത്ത് വൈസ്പ്രസിഡന്റ് സിന്ധു ചന്ദ്രനും നേതൃത്വമായി ഒപ്പം ഉണ്ടായിരുന്നു.
വാഴൂർ ഇളപ്പുങ്കൽ സ്വദേശി വി.ഐ. ജോസഫിന്റെ (തന്പാൻ) മൃതദേഹം സംസ്കരിക്കാനാണ് ഇവർ മുൻകൈ എടുത്തത്. സിപിഎം ഇളപ്പുങ്കൽ മുൻ ബ്രാഞ്ച് സെക്രട്ടറിയാണ് ജോസഫ്. കോവിഡ് ബാധിച്ച് മുണ്ടക്കയം സിഎഫ്എൽടിസിയിൽ കഴിയുന്പോഴാണ് ജോസഫ് മരിച്ചത്. കോവിഡ് ബാധിതനായതിനാൽ സംസ്കാരത്തിന് നേതൃത്വം നൽകാൻ മറ്റുള്ളവർ മടിച്ചപ്പോഴാണ് ഇവർ ഏറ്റെടുത്തത്. മുണ്ടക്കയം പഞ്ചായത്ത് പൊതുശ്മശാനത്തിൽ സംസ്കാരം നടത്തി.
കോവിഡ് ബാധിച്ചു മരിച്ചയാളുടെ സംസ്കാരത്തിനു നേതൃത്വം നൽകി പഞ്ചായത്ത് പ്രസിഡന്റ്
11:08 PM May 06, 2021 | Deepika.com