ലോക്ക് ഡൗൺ പ്രഖ്യാപനം: കടകളിൽ തിരക്കേറി
11:08 PM May 06, 2021 | Deepika.com
കടുത്തുരുത്തി: കോവിഡിന്റെ രണ്ടാംവരവിനെ പ്രതിരോധിക്കാനായി ലോക്ക്ഡൗണ് ഏർപ്പെടുത്താനുള്ള സർക്കാർ പ്രഖ്യപനം വന്നതോടെ അവശ്യവസ്തുക്കൾ വിൽക്കുന്ന കടകളിൽ തിരക്കേറി. നാളെ മുതൽ ഈ മാസം 16 വരെയാണ് സംസ്ഥാനത്ത് ലോക്ക്ഡൗണ് പ്രഖ്യാപിച്ചിരിക്കുന്നത്. ലോക്ക്ഡൗണ് സമയത്തും അവശ്യവസ്തുക്കൾ വിൽക്കുന്ന കടകൾ തുറക്കാമെന്ന് സർക്കാർ നിർദേശം നൽകിയിട്ടുണ്ട്. എന്നാൽ പലരും ഇന്നലെ ഉച്ചയ്ക്കുശേഷം കടകളിലെത്തി പതിവിൽനിന്നു വ്യത്യസ്തമായി കൂടുതൽ പലവ്യഞ്ജന സാധനങ്ങളും അരിയും പച്ചക്കറിയും ശേഖരിക്കുന്ന കാഴ്ച്ച പലയിടത്തും കാണാമായിരുന്നു. സപ്ലൈകോ സൂപ്പർ മാർക്കറ്റുകളിലടക്കം ഉച്ചയ്ക്കുശേഷം കൂടുതൽ ആളുകളെത്തി സാധനങ്ങൾ വാങ്ങി.