കൊച്ചി: ഫ്രാന്സിസ് പാപ്പയുടെ നിര്ദേശമുള്കൊണ്ട് വരാപ്പുഴ അതിരൂപതയില് കോവിഡ് 19 മഹാമാരിയുടെ വിടുതലിനായി ജപമാല പ്രാര്ത്ഥനാജ്ഞത്തിനു തുടക്കമായി. ഇന്നലെ വൈകുന്നേരം പ്രൊക്ലമേഷന് കമ്മീഷന്റെയും ജപമാല സഖ്യത്തിന്റെയും നേതൃത്വത്തില് വല്ലാര്പാടം ബസിലിക്കയില് നടന്ന തിരുക്കര്മമധ്യേ തിരികൊളുത്തി വരാപ്പുഴ അതിരൂപത ആര്ച്ച്ബിഷപ് ഡോ. ജോസഫ് കളത്തിപ്പറമ്പില് ഉദ്ഘാടനം ചെയ്തു.
ഈ മാസം മുഴുവനും ജപമാല ചൊല്ലി പ്രാര്ഥിക്കാന് ആര്ച്ച്ബിഷപ് വിശ്വാസികളെ ആഹ്വാനം ചെയ്തു. അതിരൂപത പ്രൊക്ലമേഷന് കമ്മീഷന് ഡയറക്ടര് ഫാ. ആന്റണി ഷൈന് കാട്ടുപറമ്പില് വല്ലാര്പാടം ബസിലിക്ക റെക്ടര് ഫാ. ആന്റണി വാലുങ്കല് എന്നിവര് സന്നിഹിതരായിരുന്നു.
ജപമാലപ്രാര്ഥനായജ്ഞംആരംഭിച്ചു
11:38 PM May 01, 2021 | Deepika.com