കോതമംഗലം: കോവിഡ് സന്നദ്ധ സേവനങ്ങൾക്കായി കോതമംഗലം രൂപത കെസിവൈഎമ്മിന്റെ നേതൃത്വത്തിൽ കണ്ട്രോൾ റൂമുകൾ പ്രവർത്തനമാരംഭിച്ചു.
കോതമംഗലം,ആരക്കുഴ, ഉൗന്നുകൽ, പൈങ്ങോട്ടൂർ, കാളിയാർ,കരിമണ്ണൂർ, മുതലക്കോടം,മൈലക്കൊന്പ്, മാറിക, തൊടുപുഴ, വാഴക്കുളം, മൂവാറ്റുപുഴ എന്നീ 12 ഫൊറോനകളുമായി ബന്ധപ്പെട്ടാണ് കണ്ട്രോൾ റൂമുകൾ ആരംഭിച്ചിരിക്കുന്നത്.
ഈ പ്രദേശങ്ങളിൽ കോവിഡ് വാക്സിൻ രജിസ്ട്രേഷൻ, ബ്ലഡ് ബാങ്ക്, സ്പിരിച്വൽ അസിസ്റ്റൻസ്, എമർജൻസി സർവീസ്, ഡെയ്ലി കോവിഡ് അപ്ഡേറ്റ്സ്, കോതമംഗലം സമരിറ്റൻസ് ഹെല്പ് തുടങ്ങിയ സഹായങ്ങൾ കണ്ട്രോൾ റൂമുകളിൽ നിന്ന് ലഭിക്കും.
രൂപതാ തലത്തിൽ ആരംഭിച്ച കണ്ട്രോൾറൂം നിരവധിപ്പേർക്ക് പ്രയോജനപ്പെടും.
രൂപതയിലെ ഓരോ ഇടവകയിൽ നിന്നും 10 പേരടങ്ങുന്ന ടാസ്ക് ഫോഴ്സ് അംഗങ്ങൾ കോവിഡ് പ്രതിരോധ പ്രവർത്തനങ്ങളുടെ ഭാഗമായി പ്രവർത്തിച്ചുവരുന്നുണ്ട്. ടാസ്ക് ഫോഴ്സ് അംഗങ്ങളെല്ലാം ജോലിചെയ്യുന്നവരും ബിരുദബിരുദാനന്തര വിദ്യാർഥികളുമാണ്. ഓണ്ലൈൻ പഠനത്തിലും പരീക്ഷകൾക്കിടയിലും സമൂഹന· ലക്ഷ്യമാക്കി ഇവർ പ്രവർത്തിക്കുന്നു.
കെസിവൈഎം രൂപതാ തലത്തിലുള്ള ബ്ലഡ് ഡൊണേഷൻ സെല്ലായ ’വി ഫോർ സേവ്’ വഴി കോവിഡ് കാലയളവിൽ 1800 യൂണിറ്റ് രക്തം ദാനം ചെയ്യാൻ സാധിച്ചതായും ഭാരവാഹികൾ പറഞ്ഞു.
രൂപത പ്രസിഡന്റ് ജിബിൻ താന്നിക്കാമറ്റത്തിൽ ,ജനറൽ സെക്രട്ടറി ജോർബിൻ ബേബി, ഡയറക്ടർ ഫാ. സിറിയക് ഞാളൂർ,ആനിമേറ്റർ സിസ്റ്റർ റെനിറ്റ് എഫ് സി സി എന്നിവരുടെ നേതൃത്വത്തിൽ ആരോഗ്യപ്രവർത്തകരുമായി സഹകരിച്ചാണ് കോവിഡ് പ്രതിരോധ പ്രവർത്തനങ്ങൾക്ക് നേതൃത്വം നൽകി വരുന്നുത്. സേവനങ്ങൾക്ക് 919539089769, 8606664997 എന്ന നന്പറുകളിൽ ബന്ധപ്പെടണം.
കോവിഡ് രണ്ടാം തരംഗം: കെസിവൈഎം ഫൊറോനകളിൽ കണ്ട്രോൾ റൂമുകൾ ആരംഭിച്ചു
10:16 PM May 01, 2021 | Deepika.com