തിരുവനന്തപുരം: ജില്ലയിൽ ഇന്നലെ 1,881 പേര്ക്കു കൂടി കോവിഡ് സ്ഥിരീകരിച്ചു. 552 പേര് രോഗമുക്തരായി. 9,027 പേരാണ് ജില്ലയില് കോവിഡ് ബാധിച്ച് ഇപ്പോള് ചികിത്സയിലുള്ളത്.ഇന്നലെ രോഗം സ്ഥിരീകരിച്ചവരില് 1,524 പേര്ക്കു സമ്പര്ക്കത്തിലൂടെയാണു രോഗബാധയുണ്ടായത്. ഇതില് 10 പേര് ആരോഗ്യ പ്രവര്ത്തകരും ഉൾപ്പെടും.രോഗലക്ഷണങ്ങളെത്തുടര്ന്നു ജില്ലയില് 3,067 പേരെക്കൂടി നിരീക്ഷണത്തിലാക്കി. ഇവരടക്കം ആകെ 34,390 പേര് ക്വാറന്റൈനില് കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 100 പേര് രോഗലക്ഷണങ്ങളില്ലാതെ നിരീക്ഷണകാലം പൂര്ത്തിയാക്കി.
